9 Atan nua' ampos ru binaal takau ti?
Moonong kandoi makaampos ra mauli'; mindagu ra babanyou mangkinibit ra ulun masauk musikin.
Ngaangai' ulun gumogot kaga' mangandoi ralalom ru kaayagan nilo, kaa' ati nua' ampos ondo' naalap nilo?
Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.
Kaayagan takau ralalom ru kalandaman am kangilukan ru guang, pagalabaan, kasangitan, am niayuk karualan.
Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?
Pabukat kau ngaangai', bayaa' min noyo ulun koson raginilo, am niayuk moonong ulun ondo' mangindangan mangandoi koson risilo.
