MAMPATANOU 3:7 - Tanou Moonsoi Timugon

⁷ paat ra mamparilak am paat ra mampikit, paat ra mongkoror am paat ra mindagu.

MAMPATANOU 3:7 ပူးပေါင်းရင်းမြစ်များ

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

KASAUKAN 37:34

Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

KASAUKAN 44:18

Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'.

KASAUKAN 44:34

Atan koson aku muli' ra ama' maino amon ru anak ti kalio mabaya' ramon? Kalo mokoorot aku magilong ra baal makalalaa' no makatiu' ra ama' maino.”

2 SAMUIL 1:11

Pokorongog raginio, rinilak ri Daut bayang nano ra mangiluk guang. Ngaangai' ru ulun nano nambaal niayuk raginio.

2 SAMUIL 3:31

Kopongo raginio nanusub Raja' Daut ri Joab am ulun-ulun nano namparilak ra bayang nilo, nambayang ra konoon karung am niayuk nanulaboi ri Abnir. Paat ra nampalabangan, Raja' Daut galama' minugar ra tinaulian ru karanda'.

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

2 RAJA'-RAJA' 18:36

Nongkokoror ayuk mamagun koson ra ondo' nanusuban ru Raja' Gijkia. Kalo mindagu ilo ra rondo' ragu pana.

2 RAJA'-RAJA' 5:7

Pakabasa' raja' ru Israil ra surat no, rilako' no bayang nano sabap ra mangiluk guang. Kono, “Ati kulaan raja' ru Siria no makitaak raki' mamabas ra ulun ti? Mangkara' io nua' ra aku ti i Aki Kapuuno' ondo' makakuasa' koson mamayag am mamatoi ra ulun? Maaru' maguyum-guyum io ra sasaban koson makimansangor raki'!”

2 RAJA'-RAJA' 6:30

Pokorongog raja' raginio, rilako' no bayang nano sabap ra mangiluk guang. Ngaangai' ru ulun ondo' mamaar ra timbok no nakakito ra raja' no nambayang ra karung pinaralalom ra bayang nano.

ESTER 7:4

sabap ra aku am bansa' kuno tinalan noyo koson ra potoyon. Amon ru aku am bansa' kuno tinalan ayuk koson saukon ra inulipon, mongkoror aku am marara' manguliso rirun raja'. Kaa' pusoon akai am liomon intor ra tana' ti!”

AYUP 2:13

Ilo pana panturung boo ra tana' nababaya' ri Ayup buoi katuluan ra orou am katuluan ra rondom ra kalo mindagu ra rondo' ragu pana sabap ra nakapandai ilo ra mapara' bagat ru kaimbalaan ri Ayup.

MAZMUR 39:2

Mindagu aku, “Ilalain ku ayuk atan ondo' baalon kuno, am kalo mambaal ra tula intor ra rila' kuno. Kolondo' atan-atan raguon kuno buoi ru ulun malaat sumoroi ra kiing kuno.”

MAMPATANOU 3:6

Io nangaru' ra paat koson mokoowot am paat ra matatakan, paat ra koson mambuli am paat ra mamatir,

JISAYA 36:21

Namagun ra Jirusalim nongkoror ayuk maya' ra nanusuban risilo ru Raja' ru Gijkia. Kolondo' ra sabantuk pana rinagu nilo.

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

SULABOI 3:28

Paat ra Io mamparatong ra kaimbalaan, musiti' takau manturung misangulun am mongkoror.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

AMOS 5:13

Sabap ra binaal mino, ulun mapintar pana mangkara' moonsoi poyo mongkoror ayuk paat ra malaat koson raginio.

AMOS 8:3

Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

MIKA 7:5

Pai' no pangintopot ra sambalayan min kapoam rangan min. Ilalain ra mindagu, kabalu' pana ra andu' muno.

RINALATAN 4:20

Sabap ra kalo malanggaan mai mindagu ra atan nakito am norongog mai galama'.”

RINALATAN 9:39

Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

1 SAMUIL 10:16

Taam i Saul, “Kono, kaladai-kaladai no natuum noyo.” Kaa' kalo nambala' i Saul ra kamaman nano ra i Samuil no napasauk noyo ri Saul ra raja'.