MAMPATANOU 3:4 - Tanou Moonsoi Timugon

⁴ Io nangaru' ra paat koson mantangi' am paat ra makakurit, paat ra mangulir am paat ra lumigo',

MAMPATANOU 3:4 ပူးပေါင်းရင်းမြစ်များ

KASAUKAN 21:6

Indagu i Sara, “Napakurit i Aki Kapuuno' raki' sabap ra maansukan. Moonong ulun makaining ra baal raginio ondo' makakurit ra maansukan mabaya' raki'.”

2 SAMUIL 6:16

Paat ra Kaban Nabantuan inibit siminubol ra bandar, i Mikgal anak ruandu' ru Raja' Saul, minimpal ra gigimpalan am nakakito ra Raja' Daut mansasayau am titindak koson mangurumat ra Tuhan. Mataman i Mikgal magilong ra Raja' Daut.

MAZMUR 30:11

Rongogo' aku no, iou Tuhan, am pakaasi' no raki'. Tuhan indangano' aku!”

MAZMUR 30:5

Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

KAINGKUALAN 15:20

I Miriam boo, sangulun nabi, iono maayo ruandu' ri Arun, nangalap ra tamburing nano. Ngaangai' ruandu' pana minaya' napalamba' ra tamburing liliwa' mansayau.

MAMPATANOU 3:5

paat ra mansilar am paat ra mongorot ra inan, paat ra gumanggol am paat ra mongorot ra guang.

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

JISAYA 40:1

“Bansuko' noyo ulun Kuno, bansuko' ilo no!” ragu ri Aki Kapuuno' mino.

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

MATIUS 11:17

‘Marimbai akai ra rimbai kaansayan ramuyun, kaa' kalo masaga' kau magililigo'! Marimbai akai ra rimbai makalulumpus ra guang, kaa' kalo masaga' kau mantangi'!’

MATIUS 9:15

Taam i Jisus, “Malansan kau kia ra tambului ondo' minaya' ra ungkuyon uatin no mampali ra io soroi ayuk poyo risilo? Maaru' kalo! Kaa' masuku' niayuk orou ungkuyon uatin no alapon intor risilo am bagu no mampali ilo.

LUKAS 1:58

Pakaining pinasambalayan am pabukat-pabukat nano ra ati kulaan gayo ru asi' ru Tuhan ri Ilisabit i, minaya' ilo niayuk riso maansukan.

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

2 KORINTUS 7:10

Sabap ra ngiluk ru guang koson raginio noyo magibit ra pangkulawan ru guang am pamayagan – am kalo pana pansagulian raginio. Kaa' guang mangiluk ondo' sumugut ayuk ra kasagaan ru ulun, mangkinibit ra kapatayan.

JAKUBUS 4:9

Panasal, pantangi' am panulaboi kau ra baal malaat min i. Polosoo' noyo kinuritan min masauk ra tinangian am kaansukan min masauk ra kasilukan.