MAMPATANOU 3:21 - Tanou Moonsoi Timugon

²¹ Osoi kia' makapandai ra ambiluo ru ulun mongoi ra rasawat am ambiluo ru bibiag mongoi ralalom ru tana'?

MAMPATANOU 3:21 ပူးပေါင်းရင်းမြစ်များ

AYUP 14:10

Kaa' matoi poyo ulun, ginio noyo pupus nilo. Ati kia angayan nilo malupus matoi?

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

2 KORINTUS 5:8

Ginio nai ra kalo malaa' akai am masaga' akai niayuk manatang ra inan ti, maa' raginio makapasimpung akai ra Tuhan.

SAGULION 28:13

Tuhan i Aki Kapuuno' min mapasauk ramuyun ra tingganai ra gino ngai' ru bansa'-bansa' am sala' ka maamaya'. Magail kau makasugut am kalo igondo' kasulang, amon ru gumagaya' kau toojo ra ngaangai' susuban ru Tuhan ondo' taakin kuno ramuyun ra orou raiti'.

PILIPI 1:23

Karuo-ruo ti mampakabunduk ra guang kutu. Masaga' aku niayuk mangiruan ra painawo kutu am makasimpung ri Kristus, sabap ra ginio noyo moonsoi no.