MAMPATANOU 3:19 - Tanou Moonsoi Timugon

¹⁹ Sala' ka kia ulun am bibiag no nogondo' ayuk nasip nilo? Karuruo no ondo' naayag am mapandai matoi. Ulun kalo niayuk moonsoi poyo intor ra bibiag, sabap karuruo no maayag am kolondo' onong.

MAMPATANOU 3:19 ပူးပေါင်းရင်းမြစ်များ

2 SAMUIL 14:14

Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.

MAZMUR 104:29

Bulintok ra okou manululit, ilo ondo' maayag ra binangun Muno malaa'; amon sagulion Mu paminawo Muno, ngaangai' no mapuso, am sumaguli' ra tana', masauk saguli' ra kaau.

MAZMUR 49:12

Kalabangan masauk ra intok nilo mantilayun; giu' no ayanan nilo ra sabuoi-buoi no, kabalu' pana ragili makatana' ilo.

MAZMUR 49:13

Kabalu' pana ulun no langkaya', koson niayuk ra bibiag, ilo pana mapandai matoi niayuk.

MAZMUR 49:20

makasunu' ilo niayuk ra kinamatuaan nilai, ondo' minayan ra intok molondom ra sabuoi-buoi no.

MAMPATANOU 1:14

Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 2:14

Ulun mapintar makapandai ra intok ondo' angayan nilo, am ulun kalo matanda' kalo makapandai ra ati rondo' ralan ugaran nilo.” Kaa' nakapandai aku niayuk ra pupus nilono ngaangai' no nogondo'!

MAMPATANOU 2:16

Kolondo' sangulun pana mangkara' ra ulun mapintar, kapoam ulun kolondo' katandaan. Ilo ngaangai' lilianin paat ra orou rumatong. Ngaangai' ulun musiti' matoi, ulun ondo' mapintar am niayuk ondo' kolondo' katandaan.

MAMPATANOU 7:2

Moonsoi poyo mongoi pagilong ra sambaloi ondo' mangulir intor ra sambaloi ondo' makabunsag, sabap ulun maayag musiti' mangkara' ra patayan ondo' masalok maginaa ritakau ngai'.

MAMPATANOU 9:12

Ulun kalo makapandai ra bulintok ratangan ru karaat. Koson ra susuit ondo' nakasulung ra landak, am papait ondo' nakasulung ra ralo, nogondo' ayuk ra ulun ondo' linumpa' ru karaat ondo' kalo napandayan.

MAMPATANOU 9:2

Topot nogondo' ayuk nasip ru ngaangai' ulun! Nasip ru ulun mabanis guang am malaat nogondo' ayuk, kabalu' pana ulun moonsoi am malaat, ulun ondo' mapasau am poyo majamol, ulun ondo' nampataak ra taak simbalui am poyo ulun ondo' kalo nampataak ra taak simbalui. Ulun moonsoi kalo niayuk moonsoi poyo kaayagan nilo intor ra ulun makatula', am ulun ondo' nagibot kalo moonsoi poyo kaayagan intor ra ulun ondo' kalo magibot.

UNTABAN 16:29

Amon ru ngaangai' ulun no matoi toojo ayuk ra kolondo' ukuman intor ri Aki Kapuuno', ginio noyo tatandu' no ra Tuhan kalo nanusub raki'.