MAMPATANOU 3:17 - Tanou Moonsoi Timugon

¹⁷ Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

MAMPATANOU 3:17 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

MAZMUR 96:13

bulintok ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MAZMUR 98:9

sabap ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MAMPATANOU 1:16

Mindagu aku ralalom ru guang kuno, “Nasauk aku no ra maatang kaga', mapintar poyo intor ra ngaangai' ulun ondo' namarinta ra Jirusalim ra kalo poyo bulintok kuno. Nakapandai aku no ra masuang kapintaran am katutunan ondo' motopot.”

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

MAMPATANOU 2:1

Namatas aku koson mapakaansuk ra guang galama' maa' raginio makapandai atan arati' ru kaansukan, kaa binaal kuno kolondo' onong.

MAMPATANOU 3:1

Ngaangai' mokoondo' ra tana' ti masauk ra paat ondo' inaru' ri Aki Kapuuno'.

MAMPATANOU 8:6

Ralalom moonong baal no musiti' makabulintok am ralan galama' mambaal, kaa' kalo masuang napandayan takau.

DANIL 11:40

“Paat ra maar noyo masaboi pupus ru kakuasaan raja' ru Siria, raja' ru Misir mamulunsar riso. Kaa' raja' ru Siria mambalos ra pamulunsaran no ra ngaangai' ru ikang nano. Raja' ru Siria mamakai ra kurita' kuda, kuda am masuang kapal ru timug. Koson ra rosob, raja' ru Siria mamulunsar ra masuang pagun,

DANIL 12:4

Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

DANIL 12:9

Taam io, “Okou Danil, musiti' kou mongoi raino, sabap ra ragu-ragu raginio musiti' kalo pabalaan saboi ra orou pupus.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

JUANIS 5:22

I Ama' kalo mangakim ra osoi ayuk pana, kaa' ngaangai' kuasa' mangakim no pinataak No noyo ra Anak.

RINALATAN 1:7

Taam i Jisus, “Ama' Kuno galama' mangaru' ra orou am paat nano. Ginio kalo pana makapandai kau, sabap ra baal raginio i Ama' ra kuasa'.

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

1 TISALONIKA 5:1

Pabukat ku ngai', kalo pana boo manulis akai ramuyun ra sanggilan baal raginio masauk.

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

PINAINTALANG 20:2

Rokopo' no tambuakal no – io ti kukuo intor ra galing i, ioginio Tingganai ru riwato kapoam Iblis – am rantayo' no buoi saribu ngambilor.