MAMPATANOU 3:14 - Tanou Moonsoi Timugon

¹⁴ Makapandai aku ra ngaangai' ondo' binaal ri Aki Kapuuno' ti mantilayun. Ulun kalo makapamparuang kapoam mangiruru' raginio. Nambaal i Aki Kapuuno' koon raginio maa' raginio urumaton takau Io.

MAMPATANOU 3:14 ပူးပေါင်းရင်းမြစ်များ

2 SAMUIL 22:31

Mapara' kinaindon ru binaal ri Aki Kapuuno' ti, ragu ru Tuhan maintopot. Io koson ra perisai ra tayar ru ngaangai' ulun ondo' sumindung Riso.

MAZMUR 33:11

Kaa' inatangan ru Tuhan matanduusan ra sabuoi-buoi no, am sukuon Nano kolondo' pupus.

MAZMUR 64:9

Imboloon ilo ri Aki Kapuuno' sabap ragu-ragu nilono; ngaangai' ulun makakito risilo mamisik.

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

AMSAL 19:21

Masuang atangon ru ulun, kaa' kasagaan ru Tuhan ayuk masauk.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

AMSAL 30:6

Amon ru ruangin min atan rinagu Nano, mansawai Io ramuyun am pabalaan No ra akau no magabau.”

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAMPATANOU 5:6

Kalo untobon ra mapara' suang ru guangon muli, kapoam mapara' suang ru pirot muli ondo' kolondo' onong, kapoam mapara' suang ru ragu muli, musiti' okou magulayun malaa' ri Aki Kapuuno'.

MAMPATANOU 5:7

Pai' pangimuag amon makakito ra ulun manguasa' mangimbolo' ra ulun musikin am mampagaau ra ngaangai' longgom nilo, am kalo nangani' risilo ra katimpakan. Moonong pagawai inampin ru pagawai maningganai risilo, am karuruo no inampin ru pagawai ondo' masawat poyo intor risilo.

MAMPATANOU 7:18

Inggalur no intor ra karuruo baal ra malaat no. Amon ru mangurumat takau ri Aki Kapuuno', maaru' itakau makasugut.

JISAYA 46:10

Intor ra talimpuun pabalaan Ku baal ra orou matong, intor ra galing i maguang Ku atan kasaukan. Ragu Ku: Pamatasan Kuno maaru' masauk, kasagaan Kuno musiti' Ku baalon!

DANIL 8:8

Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 4:28

Ilo rondo' guang nambaal ra ngaangai' ondo' inaru' Muno kalalair masauk. Inaru' Muno koson raginio maya' ra kuasa' am kasagaan Muno.

RINALATAN 5:39

Kaa' amon ru ondo' baalon nilono intor ri Aki Kapuuno', kalo maala min ilo. Ati lair i Aki Kapuuno' galama' anggalon min.” Pinson ri Gamalil iniou ru Majlis Ugama.

ROMA 11:36

Ngaangai' ondo' soroi inangun ri Aki Kapuuno'. Mampakaayag Io ra ngaangai' am ngaangai' no mangandoi Riso. Koompor noyo i Aki Kapuuno' ra sabuoi-buoi no! Amin.

IPISUS 3:11

Am gitio binaal ri Aki Kapuuno' sumugut ra atan ondo' inatang No kalalair i ralalom ri Jisus Kristus, Tuhan takau.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”