MAMPATANOU 3:11 - Tanou Moonsoi Timugon

¹¹ Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

MAMPATANOU 3:11 ပူးပေါင်းရင်းမြစ်များ

KASAUKAN 1:31

I Aki Kapuuno' nagilong ra ngaangai' ondo' sinauk Nano am maansayan kaga' Io. Kopongo molondom, masauk boo susuab. Ginio noyo orou ondo' koonom.

AYUP 11:7

Makarati' kou kia ra baal-baal ondo' malandom intor ri Aki Kapuuno'? Matutunan mu kia polos ru katulayan ru Io Ondo' Maayo Kaga' Kuasa'?

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

AMSAL 16:4

Nansalinut binaal ru Tuhan mokoondo' ra kuayan, am kuayan ru ulun malaat ioginio kaluusan.

MAMPATANOU 1:13

Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

MAMPATANOU 11:5

I Aki Kapuuno' nambaal ra ngaangai' no, am ulun kalo makarati' ra binaal Nano koson ra ulun ondo' kalo makarati' ra tuu' ru kaayagan bagu ralalom binunakan ru ina'.

MAMPATANOU 7:13

Guango' noyo baal ondo' binaal ri Aki Kapuuno'. Osoi nua' makabanis ra atan ondo' pinandikong ri Aki Kapuuno'?

MAMPATANOU 7:23

Ngaangai' no nakinaman ku noyo maya' ra kapintaran kuno. Gumogot aku koson mokoowot ra kapintaran, kaa' kalo niayuk noowot ku.

MAMPATANOU 7:29

Gitio ayuk ondo' inigilaan kuno: I Aki Kapuuno' mangaru' ritakau masauk ra mabanis guang, kaa' itakau galama' ti ondo' manumbalik ra ragu.

MAMPATANOU 8:17

itakau kalo niayuk makarati' ra binaal ri Aki Kapuuno'. Kabalu' pana gogot ru guang takau kuminam, kalo niayuk makarati' takau. Ulun ondo' mapintar no mangiou ra makarati' ilo, kaa' sotopot no kalo.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MARKUS 7:37

Ngaangai' ondo' nokorongog no nangimuag kaga'. Konilo, “Moonsoi toojo baalon Nano, ondo' barat mokorongog am bobou makaindagu.”

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.