MAMPATANOU 3:1 - Tanou Moonsoi Timugon

¹ Ngaangai' mokoondo' ra tana' ti masauk ra paat ondo' inaru' ri Aki Kapuuno'.

MAMPATANOU 3:1 ပူးပေါင်းရင်းမြစ်များ

2 RAJA'-RAJA' 5:26

Kaa' kon ri Ilisa, “Sala' ka kia ambiluo kutu soroi ra giu' no paat ra ulun no tumuun intor ra kurita' kuda nano koson tumuum rirun? Raino sala' ka paat no koson mangapu ra ruit am konoon, umo ru jaitun am umo ru anggur, sapi' am domba, kapoam ulipon-ulipon!

2 TUNUNG RU BANSA' ISRAIL 33:12

Ralalom ru kaimbalaan nano Raja' Manasi mininggana' guang, am siminaguli' ra Tuhan, i Aki Kapuuno' nano, am nakiasi' ra nakiindangan Riso.

AMSAL 15:23

Ragu-ragu ra pinasalula' nakatuma' ra bulintok no maparatong ra kaansukan.

AMSAL 24:27

Pai' panambaloi ra kalo poyo nopongo umo. Pai' paguot ra kalo poyo nakatampos mangindapu'.

MAMPATANOU 1:13

Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

MAMPATANOU 2:17

Ginio ra, kolondo' arati' ru kaayagan ti raki', sabap ra nakaili' aku noyo ra ngaangai', nangani' ayuk raki' ra kapaganan. Ngaangai' no kolondo' onong; nangilou aku ayuk ra angin.

MAMPATANOU 2:3

Sabap ra inunsu' ru gogot ru guang galama' koson mokoowot ra kapintaran, manginum aku ra wain am mambaal aku ra kasagaan galama' koson mapakaansuk ra guang. Indos kuli gitio noyo ralan moonsoi kaga' ra ulun koson sumia' ra kaayagan ondo' mariwa' kaga' ra tana' ti.

MAMPATANOU 3:17

Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

JIRIMIA 46:17

Anii' raja' ru Misir ra inggalan ondo' bagu: ‘Ulun Masuang Ragu Ondo' Nampalabus ra Kaluagan.’

MATIUS 16:3

Paat ra susuab ti, mindagu kau, ‘Rumasam orou raiti', sabap ra nangkalamia' am majuut!’ Magilong kau ra limbowon no maaru' mapandayan min baal ru orou ti, kaa' tatandu' ondo' mambala' ra Orou Pupus no kalo maratian min!]