MAMPATANOU 2:4 - Tanou Moonsoi Timugon

⁴ Nakasugut aku no ralalom masuang baal. Nanambaloi aku no am manangumo ra anggur.

MAMPATANOU 2:4 ပူးပေါင်းရင်းမြစ်များ

KASAUKAN 11:4

Indagu ilo, “Raino pambaal takau ra bandar am manara ondo' makasuku' ra lingkatur ru limbowon maa' raginio itakau mauligan kaga' ru ulun am kalo makapantuliar ra titikop ru tana' ti.”

2 SAMUIL 18:18

Buoi ri Absalom naayag, nanirong io ra rondo' batu pangkaraan nano galama' giu' ra Limayak Raja', sabap ra kolondo' io ra anak ungkuyon koson manungkus ra papag nano. Ininggalanan no batu pangkaraan no sumugut ra inggalan nano galama'. Saboi ra orou raiti' batu pangkaraan no nauligan ra Batu Pangkaraan ri Absalom.

1 RAJA'-RAJA' 15:19

“Ibok pakimabukat takano koson ra binaal ru ama' takali ragili. Mas am pirok ti tangguang rirun. Ukato' pabukatan muno ra Raja' Baisa giu' ra Israil, maa' raginio majajalan raja' ru Israil no mampalugut saguli' ra saujor nano intor ra wilayah kuno.”

1 RAJA'-RAJA' 9:1

Kopongo Raja' Salomo nambaal ra Baloi ru Tuhan am istana, am niayuk ngaangai' ondo' inatang nano,

2 TUNUNG RU BANSA' ISRAIL 26:10

Binaal no niayuk manara-manara mokoondo' ra kubu giu' ra tana' malimparang am nangkali ra tulubong-tulubong, sabap ra mokoondo' io ra masuang bibiag tinambiag giu' lonson toojo ru bulur tampilon ra kalasaan am giu' ra tana' marata'. Raja' Ujia masaga' ra pagitanaman; ginio ra nagangat ra mamagun maa' raginio manangumo ra anggur giu' ra tampilon kabuluran am magitanom ra tana' ondo' malabung.

2 TUNUNG RU BANSA' ISRAIL 8:11

Pinabanding ru Raja' Salomo andu' nano, anak ruandu' ru raja' ru Misir, intor ra bandar Daut pinoongoi ra intok ayanan ondo' binaal timpokon koson ra andu' nano. Indagu Raja' Salomo, “Kalo paayanon io giu' ra istana ru Raja' Daut, raja' ru Israil, sabap ra ati-ati Kaban Nabantuan nakaili' binulian, intok raginio matulai.”

MAZMUR 49:11

Osoi pana nakapandai ra ulun mapintar no matoi; ulun sasambungon am ulun gigiison no pana matoi. Tatangon nilo ngaangai' rapu' nilono ra ulun bokon.

RIMBAI PANGAMPARAN 1:14

Ambai kuno koson ra tuu' ru bunga' solonggo giu' ra umo ru anggur giu' ra In-Gidi.

RIMBAI PANGAMPARAN 7:12

Kumarat to ra kalo poyo makatampak mato ru orou am magilong ra puun ru anggur nakatuu' noyo kia kapoam busak nano nakaungkalar noyo kia, kapoam puun dalima' nambusak noyo kia. Ra giu' no pataakon ku togom kuno rirun.

JISAYA 5:1

Rongogo' noyo rimbai kutu, tunung koson ra rangan kuno am umo ru anggur nano: Rangan kuno mokoondo' sampila' umo ru anggur giu' ra bulur ondo' malabung.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”