MAMPATANOU 2:3 - Tanou Moonsoi Timugon

³ Sabap ra inunsu' ru gogot ru guang galama' koson mokoowot ra kapintaran, manginum aku ra wain am mambaal aku ra kasagaan galama' koson mapakaansuk ra guang. Indos kuli gitio noyo ralan moonsoi kaga' ra ulun koson sumia' ra kaayagan ondo' mariwa' kaga' ra tana' ti.

MAMPATANOU 2:3 ပူးပေါင်းရင်းမြစ်များ

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

AYUP 14:14

Amon ru matoi ulun, maayag ilo poyo kia? Kaa' marayus aku maginaa, saboi ra paat ru kapaganan kuno makasail.

MAZMUR 104:15

am makabaal ilo ra tinapayan koson mapabansuk ra guang, umau jaitun koson mapakalunau ra bulos, am akanon koson manaak ra kaligagan.

AMSAL 20:1

Inumon ra mampagauk mambaal ra ulun magauk am mambutok. Sasambungon noyo ulun manginum saboi magauk.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 10:19

Bunsag mapabansuk ra guang min, wain pana mampakurit ramuyun, kaa' karuruo no kalo maalap min amon ru kolondo' ruit.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 6:12

Atan koson ulun makapandai ra atan ondo' moonsoi kaga' tayar ru kaayagan nilo ondo' mariwa' am kolondo' onong ti – kaayagan ondo' mataki' lumiot koson ra babara'? Atan koson ulun makapandai ra atan ondo' masauk ra tana' ti malupus ra ilo matoi?

MAMPATANOU 7:18

Inggalur no intor ra karuruo baal ra malaat no. Amon ru mangurumat takau ri Aki Kapuuno', maaru' itakau makasugut.

MAMPATANOU 7:25

Gumogot aku migigila' am maguyum ra kapandayan koson makaalap ra kapintaran am taam ru kinuatan kuli. Kinamin ku aratio' ra kolondo' katandaan no kalaatan am kolondo' guang no tutuyangon.

MAMPATANOU 8:15

Ginio ra, mangintopot aku ra ulun musiti' makaansuk. Mangakan, manginum ayuk am maansukan ondo' kasiaan nilo. Ginio ayuk mabaal ra tatanga' bagui ru kandoi nilo sabuoi ru kaayagan ondo' tinaakan risilo ri Aki Kapuuno' ra tana' ti.

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

TINGGANAI RU BANSA' 9:13

Kaa' taam puun ru anggur no, ‘Kalo malanggaan ku manangampos ra wain ondo' mapabansuk ra guang ru dewa am ulun, koson mamarinta ayuk toojo ramuyun.’

1 SAMUIL 25:36

Paat ri Abigail minuli' ri Nabal, mokoondo' bunsag maayo giu' ra baloi nano, koson ra bunsag ru raja'. Sabap ra nagauk i Nabal am maansukan, kalo nambala' i Abigail ra atan pana riso saboi ra suabon no.