MAMPATANOU 2:23 - Tanou Moonsoi Timugon

²³ Buoi ru bayag nilo, ngaangai' binaal nilai namparatong ra kaimamangan am karualan ru guang. Paat ra rondom ti magalabo toojo guang nilo. Ngaangai' no kolondo' onong!

MAMPATANOU 2:23 ပူးပေါင်းရင်းမြစ်များ

KASAUKAN 3:17

Indagu boo Tuhan i Aki Kapuuno' ra ungkuyon no, “Inining mu ragu ru andu' muno am nangakan ra kawa' ondo' kalo paakanin Kuli rirun. Ginio boo intor ra binaal muno, inulas Ku tana' ti. Okou mingkotog toojo mangandoi saboi ra pupus ru bayag muno maa' raginio tana' ti makaampos ra akanon ondo' maukop ra akanon min.

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

ESTER 6:1

Paat rondom raginio niayuk raja' kalo mokororot. Ginio ra, kitaako' ru raja' maa' raginio tinulisan rasmi ru pamarintaan alapon am nanusub raja' ra ulun mambasa' raginio.

AYUP 14:1

Ulun inanak ra malawo am kalo maikang, kaayagan nilo mariwa' am mapagon.

AYUP 5:7

Ulun galama' noyo ondo' namparatong ra kapaganan ra inan nilo, koson ra panjut ondo' mansiab intor ra apui.

MAZMUR 127:2

Banangan ayuk pirot ru kandoi maginakan, mataki' kumarat bulintok tumawang am mombolong ra mampayung rondom, sabap ra ngaangai' no pataakon ru Tuhan no ra ulun ondo' tagamin Nano, ra ilo liliwa' mombolong.

MAZMUR 32:4

Orou rondom inukum Mu aku, iou Tuhan; kolondo' boo lulu' kuno koson ra bolobou napua' ra lasu' ru mato ru orou.

MAZMUR 90:15

Anii' akai ra kaansukan ondo' kinasuang nano mogondo' ra kapaganan ondo' sinaanan mai moonong bilor ru kaimbalaan.

MAMPATANOU 1:13

Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

MAMPATANOU 1:18

Amon ru gumaai suang ru kapintaran, gumaai suang ru pangalabaan. Amon ru gumaai suang ru katutunan, gumaai suang ru kaimbalaan.

MAMPATANOU 2:11

Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.

MAMPATANOU 5:12

Nakakito aku ra ondo' mampangiluk ra guang ra tana' ti: mokoondo' ulun ondo' nanimung ra ruit koson lutu' paat ra ilo makapakuan.

MAMPATANOU 5:17

Pamatasan kuno koson ragitio: moonsoi ulun mangakan, manginum, am sumia' ra ampos ru kandoi nilo ralalom ru kaayagan mariwa' ondo' tinaakan ri Aki Kapuuno'. Ginio noyo nasip ru ulun.

MAMPATANOU 8:16

Paat ra aku nangkinam makaalap ra kapintaran am makarati' ra ngaangai' ondo' masauk ra tana' ti, nalimanan ku kabalu' pana ra itakau kalo mombolong orou am rondom,

DANIL 6:18

Kabang ru luang batu pana tinauban boo ra rondo' batu maayo, am sinaapan ru raja' batu no ra meterai nano galama' am meterai ru ulun-ulun mangaatang nano, maa' raginio kolondo' sangulun pana makapamayag ri Danil.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.