MAMPATANOU 2:21 - Tanou Moonsoi Timugon

²¹ Sasangulun gumogot toojo ralalom ru binaal no maya' ra kapintaran, katutunan, am katasikan nano, kopongo raginio pinataak kalalaat ngaangai' ampos ru kandoi nano ra sangulun ondo' kalo nakaili' toojo mambaal ra kandoi raginio. Sala' ka kia kolondo' toojo arati' ru ginio am kolondo' katimpakan?

MAMPATANOU 2:21 ပူးပေါင်းရင်းမြစ်များ

2 TUNUNG RU BANSA' ISRAIL 34:2

Raja' Josia nambaal ra atan ondo' mapabansuk ra guang ru Tuhan. Minaya' io ra binaal moonsoi ru kinamatuaan nali Raja' Daut, am giminagaya' ra ngaangai' ukum ri Aki Kapuuno' ra totopot.

2 TUNUNG RU BANSA' ISRAIL 35:18

Intor ra bulintok ru Nabi Samuil, kalo igondo' Paska iniantak ra maayo toojo koson raginio. Kolondo' sangulun pana ra gino ngai' ru raja'-raja' ru Israil ondo' igondo' nangiantak ra Pangiantakan Paska koson ondo' iniantak ru Raja' Josia, imam-imam, ulun-ulun ru Liwi am mamagun ru Jiuda, Israil am niayuk Jirusalim,

MAZMUR 39:7

kaayagan nilo mansail koson ra babara'. Ngaangai' ru baalon nilono kolondo' onong; mangumung ilo ra rapu', kaa' kalo napandayan nilo osoi manungkus no.

MAZMUR 49:10

koson minggalur ra kapatayan, maa' raginio makaalap io ra kaayagan ra sabuoi-buoi no.

MAZMUR 49:11

Osoi pana nakapandai ra ulun mapintar no matoi; ulun sasambungon am ulun gigiison no pana matoi. Tatangon nilo ngaangai' rapu' nilono ra ulun bokon.

MAMPATANOU 2:20

Ginio ra pansagulian guang kutu sabap ra matipatoi aku nangandoi.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

MAMPATANOU 9:18

Kapintaran moonsoi poyo intor ra kinandoi pangayawan, kaa' sangulun makatula nampalunsai ra masuang baal ondo' moonsoi.

JIRIMIA 22:15

Okou ti masauk kia ra raja' ondo' moonsoi poyo, amon ru mambaal kou ra istana ra tataun sidar, saboi moonsoi poyo intor ra istana ru ulun bokon? Ama' muno makasia' ra kaayagan moonsoi. Masalok io matimpok am kalo mampili' ra ulun, am nakasugut io ralalom ru ngaangai' pirot nano.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.