MAMPATANOU 2:19 - Tanou Moonsoi Timugon

¹⁹ Osoi makapandai? Maaru' lair mapandai io! Maaru' lair kolondo' katandaan! Kaa' io noyo nanungkus ra ngaangai' ondo' binaal kutu; ngaangai' ondo' naalap kuli ra tana' ti intor ra kapintaran kutu. Ngaangai' no kolondo' onong.

MAMPATANOU 2:19 ပူးပေါင်းရင်းမြစ်များ

1 RAJA'-RAJA' 11:43

Raja' Salomo minatoi am linobong giu' ra Bandar Daut. I Rigabiam, anak ungkuyon ru Raja' Salomo minalit riso koson ra raja'.

1 RAJA'-RAJA' 12:13

Kalo nampalio raja' no ra pinson ru tingganai-tingganai tuu' lair no. Lukiat io nanugut ra pinson ru ulun mamulok am indagu ra mamagun ra malasang, “Ama' kuli nangani' ramuyun ra saanin ondo' maagat, kaa' mangani' aku ramuyun ra saanin ondo' maagat poyo. Ama' kuli nampalapos ramuyun ra pitol lalapos, kaa' mampalapos aku ramuyun ra pitol lalapos ondo' makaruui ru basi'!”

MAMPATANOU 2:11

Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.

MAMPATANOU 2:20

Ginio ra pansagulian guang kutu sabap ra matipatoi aku nangandoi.

MAMPATANOU 3:22

Ginio ra, aku nakaliman ra kolondo' ondo' moonsoi kaga' ra tayar ru ulun intor ra sumia' ra ampos ru kandoi nano. Suai raginio kolondo' atan ondo' maalap kabaal. Kalo lair makapandai takau ra ondo' baal masauk malupus ra itakau matoi.

MAMPATANOU 9:13

Nakakito aku niayuk ra tiluan moonsoi intor ra atan koson kapintaran ondo' karaan ru ngaangai' ulun ra tana' ti.

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

1 TIMOTIUS 6:10

Sabap ra maringkumaa' ra kalangkayaan ti noyo puun ru mansalinut kalaatan. Mokoondo' ulun naingkinibitan ru ginio saboi nakalayau intor ra pangintapatan takau am pupus no migimbolo' ilo ra mansalinut kapaganan.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.