MAMPATANOU 2:17 - Tanou Moonsoi Timugon

¹⁷ Ginio ra, kolondo' arati' ru kaayagan ti raki', sabap ra nakaili' aku noyo ra ngaangai', nangani' ayuk raki' ra kapaganan. Ngaangai' no kolondo' onong; nangilou aku ayuk ra angin.

MAMPATANOU 2:17 ပူးပေါင်းရင်းမြစ်များ

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

AYUP 14:13

Moogot aku maa' raginio pasibunion Mu aku giu' ra intok ru ulun minatoi. Polosoon aku pasibunion saboi ra Okou kalo boo sumangit. Mopongo raginio aruo' orou koson mangkara' raki' saguli'.

MAZMUR 89:47

Iou Tuhan, saboi sanggilan ra Okou mansibuni? Saboi sanggilan kia sangit Muno ra lumuab-luab koson ra apui?

MAMPATANOU 1:14

Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 2:11

Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.

MAMPATANOU 2:22

Ulun mangandoi am maimamang buoi ru bayag nilo, kaa' atan nua' ampos nano?

MAMPATANOU 3:16

Suai raginio, nakito ku niayuk ra tana' ti, giu' ra intok ondo' musiti' mokoondo' ra katimpakan am moonsoi, giu' no mokoondo' ra kalaatan.

MAMPATANOU 4:2

Mapara' piboo bansuk ru ulun ondo' minatoi; baal nilo moonsoi poyo intor ra ulun ondo' lakat poyo maayag.

MAMPATANOU 4:3

Kaa' ondo' maansukan toojo ioginio ulun-ulun ondo' kalo poyo inanak, sabap ra ilo kalo poyo nakakito ra kalaatan ondo' binaal ralalom ru tana' ti.

MAMPATANOU 6:9

Ngaangai' no kolondo' onong koson kandoi mangilou ra angin. Moonsoi poyo maringkuanang kou ra atan ondo' soroi rirun intor ra masalok kou gumogot ra atan ondo' kolondo' rirun.

YEHEZKIEL 3:14

Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”

JUNUS 4:8

Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”

ABAKUK 1:3

Kua polosoo' Mu aku makaliman ra kapaganan koson ragitio? Ati kulaan Kou tumaan guang ra ulun ondo' mambaal ra kalaatan? Katutukan am kalaatan masauk ra libung kuno. Pansangaran am pagansangan masauk ra ati-ati intok.

UNTABAN 11:15

Amon ru koson ragitio pinamakuan Muno raki', pakaasi' no raki'; potoyo' aku noyo ra mataki' maa' raginio kalo boo mansaan aku ra kaimbalaan ti.”