MAMPATANOU 2:16 - Tanou Moonsoi Timugon

¹⁶ Kolondo' sangulun pana mangkara' ra ulun mapintar, kapoam ulun kolondo' katandaan. Ilo ngaangai' lilianin paat ra orou rumatong. Ngaangai' ulun musiti' matoi, ulun ondo' mapintar am niayuk ondo' kolondo' katandaan.

MAMPATANOU 2:16 ပူးပေါင်းရင်းမြစ်များ

2 SAMUIL 3:33

Nanulaboi Raja' Daut ri Abnir ra sinulabit ragitio,

MAZMUR 103:16

Bulintok masiob ru angin, bunga' no matatak, kolondo' boo ulun makakito riso.

MAZMUR 49:10

koson minggalur ra kapatayan, maa' raginio makaalap io ra kaayagan ra sabuoi-buoi no.

MAZMUR 88:12

Sasabiton kia togom Muno ru ulun ralalom ru lobong, kapoam gagaya' Muno sasabiton giu' ra intok ru kapatayan?

KAINGKUALAN 1:6

Buoi kabuoi i Jusup am pinongkotob nano minatoi, am koson niayuk ra ngaangai' ulun ondo' santuu' riso.

KAINGKUALAN 1:8

Kopongo raginio sangulun raja' nakabagu ondo' kalo makaulig ri Jusup timinalimpuun mamarinta ra pagun ru Misir.

AMSAL 14:8

Ulun mapintar makapandai ra atan baalon nilo; ulun sasambungon maruung ru kabuduan nilo galama'.

MAMPATANOU 1:11

Kolondo' ulun nangkara' ra kasaukan ra galing i; kasaukan ra raino am orou matong no kalo karaan ru osoi pana paat ra orou rumatong no.

MAMPATANOU 2:14

Ulun mapintar makapandai ra intok ondo' angayan nilo, am ulun kalo matanda' kalo makapandai ra ati rondo' ralan ugaran nilo.” Kaa' nakapandai aku niayuk ra pupus nilono ngaangai' no nogondo'!

MAMPATANOU 2:15

Karaan ku, “Pupus kuno nogondo' ayuk ra pupus ru ulun kolondo' katandaan. Ginio ra, atan onong no ru mapintar aku?” Ginuang ku ra kapintaran kutu totopot kolondo' onong.

MAMPATANOU 6:8

Atan nua' mauli' ra ulun mapintar amon pogondoon ra ulun kolondo' katutunan? Atan nua' onong ru ulun musikin ondo' makapaliso moonsoi ra tatanga' ru ulun?

MAMPATANOU 7:2

Moonsoi poyo mongoi pagilong ra sambaloi ondo' mangulir intor ra sambaloi ondo' makabunsag, sabap ulun maayag musiti' mangkara' ra patayan ondo' masalok maginaa ritakau ngai'.

MAMPATANOU 8:10

Nakaili' aku nakakito ra ulun malaat ondo' minatoi am linobong. Kaa' paat ra ilo minuli' intor ra kalabangan, ngaangai' ulun mongongompor ra ulun minatoi i, giu' ra bandar intok nambaalan nilo ra kalaatan. Ngaangai' no kolondo' onong!

MAMPATANOU 9:15

Giu' ra bandar no mokoondo' sangulun ulun musikin ondo' mapintar. Mabaya' ra kapintaran nano io sotopot no makapamayag ra bandar no, kaa' kolondo' sangulun pana nangkara' riso.

MAMPATANOU 9:5

Ulun ondo' lakat poyo maayag makapandai ra matoi ilo, kaa' ulun ondo' minatoi noyo kalo makapandai ra atan-atan pana. Kalo boo makaalap ilo ra gaji', am lilianin ilo ru ulun.

MALIAKI 3:16

Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.