MAMPATANOU 2:14 - Tanou Moonsoi Timugon

¹⁴ Ulun mapintar makapandai ra intok ondo' angayan nilo, am ulun kalo matanda' kalo makapandai ra ati rondo' ralan ugaran nilo.” Kaa' nakapandai aku niayuk ra pupus nilono ngaangai' no nogondo'!

MAMPATANOU 2:14 ပူးပေါင်းရင်းမြစ်များ

MAZMUR 19:10

Mangandoi ayuk ra Tuhan no moonsoi, kolondo' pupus no. Nangaruan ru Tuhan no matimpok, kalo magimbas ra sapapa'.

MAZMUR 49:10

koson minggalur ra kapatayan, maa' raginio makaalap io ra kaayagan ra sabuoi-buoi no.

MAZMUR 49:11

Osoi pana nakapandai ra ulun mapintar no matoi; ulun sasambungon am ulun gigiison no pana matoi. Tatangon nilo ngaangai' rapu' nilono ra ulun bokon.

AMSAL 14:8

Ulun mapintar makapandai ra atan baalon nilo; ulun sasambungon maruung ru kabuduan nilo galama'.

AMSAL 17:24

Kuayan ru ulun mapintar ioginio mompogogot ra kapintaran, kaa' kuayan ru ulun sasambungon kolondo' onong.

MAMPATANOU 2:16

Kolondo' sangulun pana mangkara' ra ulun mapintar, kapoam ulun kolondo' katandaan. Ilo ngaangai' lilianin paat ra orou rumatong. Ngaangai' ulun musiti' matoi, ulun ondo' mapintar am niayuk ondo' kolondo' katandaan.

MAMPATANOU 3:19

Sala' ka kia ulun am bibiag no nogondo' ayuk nasip nilo? Karuruo no ondo' naayag am mapandai matoi. Ulun kalo niayuk moonsoi poyo intor ra bibiag, sabap karuruo no maayag am kolondo' onong.

MAMPATANOU 6:6

Baal raginio moonsoi poyo intor ra ulun ondo' maayag ruo ngaribu ngambilor kaa' kalo igondo' nakasia' ra kaayagan, sabap karuruo no mongoi ra intok nogondo'.

MAMPATANOU 6:8

Atan nua' mauli' ra ulun mapintar amon pogondoon ra ulun kolondo' katutunan? Atan nua' onong ru ulun musikin ondo' makapaliso moonsoi ra tatanga' ru ulun?

MAMPATANOU 7:2

Moonsoi poyo mongoi pagilong ra sambaloi ondo' mangulir intor ra sambaloi ondo' makabunsag, sabap ulun maayag musiti' mangkara' ra patayan ondo' masalok maginaa ritakau ngai'.

MAMPATANOU 8:1

Sangulun ondo' mapintar ayuk makapandai ra arati' ru ngaangai' baal. Kapintaran mampasauk riso makakurit am bulos nano matakau.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

MAMPATANOU 9:16

Buoi ti naragu ku noyo ra kapintaran moonsoi poyo intor ra kaikangan, kaa' kapintaran ru ulun musikin asabin. Ragu ru ulun musikin kalo linio.

1 JUANIS 2:11

Kaa' ulun ondo' masisang ra pabukat nano, soroi io ayuk poyo ralalom ru kalandaman. Mugar io ralalom ru kalandaman am kalo napandayan ati angayan no, sabap ra kalandaman no mambaal riso kalo makakito.