MAMPATANOU 2:10 - Tanou Moonsoi Timugon

¹⁰ Nakaalap aku no ra atan ayuk gogoton ru guang kuno. Kalo igondo' aku pakaili' mongorot ra inan kuno intor sumia' ra atan ayuk kaansukan. Naansukan aku ra ngaangai' baal ondo' piniratan kuli. Ngaangai' no ampos ru binaal kuli.

MAMPATANOU 2:10 ပူးပေါင်းရင်းမြစ်များ

KASAUKAN 3:6

Nakito ru ruandu' no ra puun raginio moonsoi kaga' am kawa' no pana maamis kaga' akanon. Mangkara' io ra mapara' bonsoi amon ru mapintar io. Ginio ra pangupu' io ra kawa' no am akano' no. Io pana nantayar niayuk ra ralaki nano am ralaki nano pana nangakan ra kawa' no.

KASAUKAN 6:2

ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo.

AYUP 31:1

Nabaya' ra ibot aku nabantu', kalo suminto ra ralaa mamulok.

MAZMUR 119:37

Pai' aku polosoo' mampaguang ra kandoi-kandoi ra kolondo' onong; anii' aku ra bayag sumugut ra kasagaan Muno.

MAZMUR 128:2

Ampos ru bagui muno manumbali ra gogoton muno; maansukan kou am lumangkaya'.

AMSAL 23:5

Ruit mataki' makai' koson kinataki' ru ganit, koson ayuk ra ruit no makakawo am mansiab ra limbowon koson ra kanui.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 2:1

Namatas aku koson mapakaansuk ra guang galama' maa' raginio makapandai atan arati' ru kaansukan, kaa binaal kuno kolondo' onong.

MAMPATANOU 2:22

Ulun mangandoi am maimamang buoi ru bayag nilo, kaa' atan nua' ampos nano?

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

MAMPATANOU 3:22

Ginio ra, aku nakaliman ra kolondo' ondo' moonsoi kaga' ra tayar ru ulun intor ra sumia' ra ampos ru kandoi nano. Suai raginio kolondo' atan ondo' maalap kabaal. Kalo lair makapandai takau ra ondo' baal masauk malupus ra itakau matoi.

MAMPATANOU 5:10

Jumanjai poyo suang ru langkaya' mino, jumanjai niayuk suang ru saanin min. Kalo makaalap kau ra atan-atan kaulian, makapandai kau ayuk ra akau ti ulun langkaya'.

MAMPATANOU 5:17

Pamatasan kuno koson ragitio: moonsoi ulun mangakan, manginum, am sumia' ra ampos ru kandoi nilo ralalom ru kaayagan mariwa' ondo' tinaakan ri Aki Kapuuno'. Ginio noyo nasip ru ulun.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 6:2

Nangani' i Aki Kapuuno' ra ulun ra rapu', kalangkayaan am urumat – atan ayuk ondo' gogoton nilo, kaa' kalo mangiou i Aki Kapuuno' risilo sumia' ra ngaangai' tinaakan no. Kaa', ulun ondo' kalo nauligan makasia' ra kalangkayaan raginio. Ngaangai' no kolondo' onong am kalo matimpok.

MAMPATANOU 6:9

Ngaangai' no kolondo' onong koson kandoi mangilou ra angin. Moonsoi poyo maringkuanang kou ra atan ondo' soroi rirun intor ra masalok kou gumogot ra atan ondo' kolondo' rirun.

MAMPATANOU 8:15

Ginio ra, mangintopot aku ra ulun musiti' makaansuk. Mangakan, manginum ayuk am maansukan ondo' kasiaan nilo. Ginio ayuk mabaal ra tatanga' bagui ru kandoi nilo sabuoi ru kaayagan ondo' tinaakan risilo ri Aki Kapuuno' ra tana' ti.

MAMPATANOU 9:6

Katagaman, kasisangan, am kasagaan ru guang nilo galama', ngaangai' no linimiot mabaya' risilo. Ilo kalo boo mangalap ra tayar ralalom atan-atan baal ondo' masauk ra tana' ti.

MAMPATANOU 9:9

Sia' no ra kaayagan ti mabaya' ra andu' katagaman muno, sabuoi ra kaayagan muno ondo' kolondo' onong, ondo' tinaakan ri Aki Kapuuno' rirun ra tana' ti. Sia' no ra moonong orou kabalu' pana kolondo' onong sabap ginio ayuk maalap muno intor bagui ru kandoi muno.

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.

TINGGANAI RU BANSA' 14:2

Uli' i Simson ra baloi am pambala' ra matuo nano. Kono, “Malaai aku ra sangulun ralaa ru Palistin. Tamungi' io raki'. Masaga' aku manangandu' riso.”