MAMPATANOU 12:1 - Tanou Moonsoi Timugon

¹ Ginio ra karaa' noyo Io Namangun ramuyun paat ra akau mamulok, ra kalo poyo makasaboi bulintok kaimbalaan min am mindagu kau, “Kalo nakasia' akai ra kaayagan.”

MAMPATANOU 12:1 ပူးပေါင်းရင်းမြစ်များ

KASAUKAN 39:2

Nagalung Tuhan ri Jusup saboi iawo io ra ngaangai' kondoyon nano. Minayan i Jusup ra tuan nano, ulun ru Misir no.

KASAUKAN 39:23

Kalo pana boo kondoyon ru tingganai magagalung no atan ondo' pinakandayan no ri Jusup, sabap ra magalung Tuhan no ri Jusup saboi iawo io ra atan ayuk kondoyon nano.

2 SAMUIL 19:35

Balu' ngoopor ngambilor aku noyo am kolondo' boo mangani' ra kasagaan raki'. Kalo boo makasia' aku ra atan ondo' akanon kapoam inumon kuno, am kalo boo mokorongog ra bolos ru ulun marimbai. Aku ti masauk ayuk ra kapaganan rirun.

2 SAMUIL 19:36

Kalo maaya' aku mangapu ra bayaran ra kinaayo ru ginio. Polosoon noyo aku mangator rirun kukula' ngatumpang ayuk giu' sandaup ru Sungoi Jordan.

1 RAJA'-RAJA' 14:13

Ngaangai' ulun ru Israil mangulir am mompolobong ra anak ungkuyon ru raja' no. Anak ungkuyon raginio rorondo' ra sasambaloi ru Raja' Jirobiam ondo' lobongon ra matanda', sabap ra io no ayuk ondo' kaansayin ru Tuhan, i Aki Kapuuno' ru Israil.

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

NIGIMIA 4:14

Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”

AYUP 30:2

Kolondo' onong nilo raki', sabap ra nakai' noyo ikang.

MAZMUR 119:55

Bulintok molondom makara' Tokou, iou Tuhan, am guangon kuno Ukum Muno.

MAZMUR 34:11

Singa'-singa' pana maitilan sabap ra maayawan ra akanon, kaa' ulun ondo' giminagaya' ra Tuhan kalo maayawan ra atan ayuk pana moonsoi.

MAZMUR 63:6

Salibuor kuno binasug am jinala', am rimbayin Tokou ra rimbai-rimbai mongompor.

MAZMUR 90:10

Umur mai tulu' ngoopor ngambilor ayuk, amon ru maikang makasuku' balu' ngoopor; kaa' pagalabaan am kapaganan ayuk malimanan mai; kaayagan mataki' mapupus am akai pana lumiot.

AMSAL 22:6

Ilaa' noyo anak no ra ralan kaayagan ondo' motopot, am saboi matutuo pana kaayagan nano kon raginio.

AMSAL 8:17

Tagamin ku ulun ra motogom raki', ondo' totopot maguyum raki', makatuum raki'.

MAMPATANOU 11:10

Pai' polosoo' atan ayuk makaimamang ra guang min, kapoam mamparuol ramuyun. Akau kalo mantilayun mamulok.

MAMPATANOU 11:2

Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

MAMPATANOU 11:8

Musiti' ulun maringkuanang amon ru maawar painawo kaa' karaa', mabuoi pana ulun maayag ra tana' ti, mulu' poyo buoi nilono giu' ra intok kapatayan. Kolondo' atan pana malansanan.

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

SULABOI 3:27

Moonsoi noyo ra itakau migila' ra tumaan guang paat ra lakat poyo mamulok.

DANIL 1:17

Nangani' i Aki Kapuuno' ra apat ngaulun ungkuyon mamulok no ra napandayan am katandaan ralalom kasusasteraan am falsafah. Rinuangan poyo, nangani' Io ri Danil ra mapandai koson mambala' ra arati' ru pinaintalang am inupi.

GOSIA 7:9

Kalo nakaliman ilo ra binaal ragitio nampalawo risilo. Pupus ru bayag nilo mamaar noyo, kaa' kalo nakapandai ilo.

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 18:16

Kaa' piawo' ri Jisus lalaing-lalaing no am indagu, “Polosoo' ayuk lalaing-lalaing ti mongoi Raki'. Pai' min inggalari', sabap ra ulun koson ragitilo ondo' masauk ra ulun ri Aki Kapuuno'.

IPISUS 6:4

Matuo kau ngai', pai' kau pampakaruol ra guang ru anak mino suku' ra malikokot ilo. Kaa', sotopot no alungi' am ilaa' min ilo ra pangilaan ru Tuhan.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

1 SAMUIL 1:28

Ginio ra pataakon ku anak ti ra Tuhan. Anak ti masauk ra longgom ru Tuhan ra buoi ru bayag nano.” Kopongo raginio sambayang ilo ra Tuhan ra giu' no.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 2:26

Kaa' i Samuil, anak no, gumaai sukor am kasagain poyo ru Tuhan am niayuk ru ngaangai' ulun.