MAMPATANOU 11:9 - Tanou Moonsoi Timugon

⁹ Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 11:9 ပူးပေါင်းရင်းမြစ်များ

KASAUKAN 3:6

Nakito ru ruandu' no ra puun raginio moonsoi kaga' am kawa' no pana maamis kaga' akanon. Mangkara' io ra mapara' bonsoi amon ru mapintar io. Ginio ra pangupu' io ra kawa' no am akano' no. Io pana nantayar niayuk ra ralaki nano am ralaki nano pana nangakan ra kawa' no.

KASAUKAN 6:2

ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo.

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

1 RAJA'-RAJA' 18:27

Paat ra tanga' ru orou, tumalimpuun i Ilia magasab-gasab risilo, kono, “Pakiasi' ra mosongou poyo! Baal tuhan alia ginio! Maaru' lair tatanga' io magilampuang kapoam minongoi ra jamban. Maaru' lair niayuk tatanga' io minongoi ra intok ra bokon! Kapoam maaru' lair niayuk tatanga' io nombolong, am musiti' kau mangkarat riso!”

1 RAJA'-RAJA' 22:15

Paat ri Mika muma' ra Raja' Agab, pangkuot io riso, “Mika, maalap kia kabulunsar mai ri Raja' Josapat kapoam kalo Ramot no?” Taam i Mika, “Bulunsaro' noyo. Maaru' mamanang kou raja'. Manaak Tuhan no rirun ra kamanangan.”

AYUP 31:7

Amon liminisang aku intor ra ralan ondo' motopot, kapoam guang kuno nabunduk ra baal ondo' malaat, amon ru kalindu' kuno majamol sabap ra tula,

MAZMUR 81:12

Kaa' ulun Kuno kalo mangkirongog ra ragu Kuno; Israil kalo gumagaya' Raki'.

MAMPATANOU 12:1

Ginio ra karaa' noyo Io Namangun ramuyun paat ra akau mamulok, ra kalo poyo makasaboi bulintok kaimbalaan min am mindagu kau, “Kalo nakasia' akai ra kaayagan.”

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

MAMPATANOU 2:10

Nakaalap aku no ra atan ayuk gogoton ru guang kuno. Kalo igondo' aku pakaili' mongorot ra inan kuno intor sumia' ra atan ayuk kaansukan. Naansukan aku ra ngaangai' baal ondo' piniratan kuli. Ngaangai' no ampos ru binaal kuli.

MAMPATANOU 3:12

Ginio ra, nakaliman aku boo ra ondo' moonsoi baalon takau iono masalok maansukan am mirot toojo paat ra itakau lakat poyo maayag.

MAMPATANOU 3:17

Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

MAMPATANOU 6:9

Ngaangai' no kolondo' onong koson kandoi mangilou ra angin. Moonsoi poyo maringkuanang kou ra atan ondo' soroi rirun intor ra masalok kou gumogot ra atan ondo' kolondo' rirun.

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

JIRIMIA 23:17

Masalok ilo mindagu ra ulun ondo' marara' rumongog ra ragu Kuno, ‘Maayag kau.’ Konilo ra moonong ulun ondo' bambalingatan, ‘Kalo malumpa' kau ru karaat.’ ”

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

SULABOI 3:27

Moonsoi noyo ra itakau migila' ra tumaan guang paat ra lakat poyo mamulok.

UNTABAN 15:30

Kaa' osoi ayuk, iou ra ulun ru Israil kapoam ulun bansa' ru bokon ondo' sumingon mambaal ra tula, magasab ulun no ra Tuhan. Ulun no musiti' ukumin ra matoi,

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

UNTABAN 22:32

Indagu malaikat no, “Kua kia lambaa' mu kaladai muno saboi intalu? Aku ondo' nongompong ra pangkiralanan muno, sabap ra kalo musiti' no mugar kou.

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

RINALATAN 14:16

Galing i pinoloso ri Aki Kapuuno' ngaangai' bansa' maayag maya' ra kasagaan nilo sigagama'.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

ROMA 14:10

Intor raginio, kua guat pononsol kau ra pabukat Kristian ra bokon? Am kua guat pagasab kau ra pabukat Kristian ra bokon? Itakau ti ngaangai' paumaan am akimin ri Aki Kapuuno'.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

SAGULION 29:19

Ra gino ngai' min ondo' nokorongog ra kitaak moporos no ra orou raiti', pai' sangulun pana ondo' mangkara' ra io magulayun mabayag kabalu' pana gumogot toojo io am manugut ra kasagaan nano galama'. Binaal koson raginio mamuso ramuyun ngaangai', ulun ondo' moonsoi am ondo' malaat.

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.

JOSUA 7:21

Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.