MAMPATANOU 11:8 - Tanou Moonsoi Timugon

⁸ Musiti' ulun maringkuanang amon ru maawar painawo kaa' karaa', mabuoi pana ulun maayag ra tana' ti, mulu' poyo buoi nilono giu' ra intok kapatayan. Kolondo' atan pana malansanan.

MAMPATANOU 11:8 ပူးပေါင်းရင်းမြစ်များ

AYUP 10:21

Kalo boo mabuoi mugar aku am kalo sumaguli', mongoi ra intok ondo' molondom am matuong kaga';

AYUP 10:22

ondo' natikop ra molondom, babara' am majajou; giu' no ondo' matawang pana nogondo' ra molondom.

AYUP 14:10

Kaa' matoi poyo ulun, ginio noyo pupus nilo. Ati kia angayan nilo malupus matoi?

AYUP 14:12

koon raginio noyo ulun ondo' minatoi noyo, kalo boo sumaguli' kaayag. Kalo sumukal ilo buoi limbowon soroi, am kalo makarat intor ra bolong nilo.

AYUP 15:23

Susuit nasar mangakan ra baangkai maginaa mangakan ra baangkai nilo; nakapandai ilo ra mapuso ilo.

AYUP 18:18

Intor ra tana' ru ulun ondo' maayag, pagiruon ilo, pagiruon intor ra sinda mongoi ralalom kalandaman.

MAZMUR 49:20

makasunu' ilo niayuk ra kinamatuaan nilai, ondo' minayan ra intok molondom ra sabuoi-buoi no.

MAMPATANOU 11:2

Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

MAMPATANOU 2:15

Karaan ku, “Pupus kuno nogondo' ayuk ra pupus ru ulun kolondo' katandaan. Ginio ra, atan onong no ru mapintar aku?” Ginuang ku ra kapintaran kutu totopot kolondo' onong.

MAMPATANOU 2:17

Ginio ra, kolondo' arati' ru kaayagan ti raki', sabap ra nakaili' aku noyo ra ngaangai', nangani' ayuk raki' ra kapaganan. Ngaangai' no kolondo' onong; nangilou aku ayuk ra angin.

MAMPATANOU 2:19

Osoi makapandai? Maaru' lair mapandai io! Maaru' lair kolondo' katandaan! Kaa' io noyo nanungkus ra ngaangai' ondo' binaal kutu; ngaangai' ondo' naalap kuli ra tana' ti intor ra kapintaran kutu. Ngaangai' no kolondo' onong.

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

MAMPATANOU 4:16

Suang ru mamagun ondo' pinarinta ru sangulun raja' maaru' lair kalo nauntob, kaa' amon ru matoi raja' no, kolondo' sangulun pana maringkuanang ra binaal moonsoi nano. Ginio pana kolondo' onong, koson kandoi mangilou ra angin.

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

MAMPATANOU 6:11

Jumanjai ilo mansang, jumanjai kolondo' onong, am ilo kalo makaalap ra ampos ru atan ayuk.

MAMPATANOU 6:6

Baal raginio moonsoi poyo intor ra ulun ondo' maayag ruo ngaribu ngambilor kaa' kalo igondo' nakasia' ra kaayagan, sabap karuruo no mongoi ra intok nogondo'.

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

MAMPATANOU 8:15

Ginio ra, mangintopot aku ra ulun musiti' makaansuk. Mangakan, manginum ayuk am maansukan ondo' kasiaan nilo. Ginio ayuk mabaal ra tatanga' bagui ru kandoi nilo sabuoi ru kaayagan ondo' tinaakan risilo ri Aki Kapuuno' ra tana' ti.

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

MATIUS 22:13

Indagu boo raja' ti ra ulipon-ulipon nano, ‘Bangkilo' kalayam am kalindu' nano am patiri' io ti ra lisar ondo' intok molondom. Giu' no mantangi' io am manguritot boo ripon nano.’ ”

JUANIS 12:35

Indagu i Jisus, “Kalo boo mabuoi sinda no mayan ramuyun. Tungguli' noyo pangkiralanan min buoi ru sinda no soroi ramuyun, koson kalo maliputan kau ru kalandaman. Ulun ondo' mangkiralan ra kalandaman kalo mapandayan no ati kaangayan.

SAGULION 32:29

Kalo nakapandai ilo kua kinala ilo, kalo makarati' ilo ra atan ondo' nasauk noyo.

JUDAS 1:18

Nakapambala' ilo noyo ramuyun ra masuku' paat ra pamupusan ru tana' ti, mokoondo' ulun sumalula' koson manauyu' ramuyun, sabap ra maya' ilo ayuk ra kasagaan malaat ru guang nilai no.