MAMPATANOU 11:2 - Tanou Moonsoi Timugon

² Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

MAMPATANOU 11:2 ပူးပေါင်းရင်းမြစ်များ

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

ESTER 9:19

Ginio sabap ra ulun ru Jaudi ondo' minayan giu' ra bandar mongoborok mangiantak ra orou koopor am apat ra sila' Adar ra munsag. Paat orou raginio mantataak ilo ra akanon ra rondo' am bokon.

ESTER 9:22

Koon raginio baal no sabap ra paat orou raginio noyo ilo nangala ra pantula', saboi kangilukan am kasilukan nilo nakulau nasauk ra kaansayan am kaansukan. Ginio ra musiti' ilo mangiantak ra orou-orou raginio ra bunsag am pagakanan am niayuk mantataak ra akanon ra rondo' am bokon, mangayup ra ulun musikin.

AYUP 5:19

Amon karaat makapatoi rirun, masalok Io mamayag rirun.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 6:16

Mokoondo' tulu' baal kasisangin ru Tuhan am kalo polosoon Nano: paliso ra malilimbau, kabang ra magabau, kalindu' ra namatoi ra ulun ondo' kolondo' sala, Pangkaraan ondo' mangatang ra baal-baal malaat, kalayam maringkaagou mongoi ra kalaatan, sasi' ondo' rayusin no abau am ulun ondo' mangkinibit ra pansasangaran ru rangan.

MAMPATANOU 11:3

Ati tampilon pana kaabaan ru puun tataun no, ginio noyo intok ru puun tataun no maaba'. Paat ra gaun no lumondom, rasam ra maawas pana rumatu'.

MAMPATANOU 11:8

Musiti' ulun maringkuanang amon ru maawar painawo kaa' karaa', mabuoi pana ulun maayag ra tana' ti, mulu' poyo buoi nilono giu' ra intok kapatayan. Kolondo' atan pana malansanan.

MAMPATANOU 12:1

Ginio ra karaa' noyo Io Namangun ramuyun paat ra akau mamulok, ra kalo poyo makasaboi bulintok kaimbalaan min am mindagu kau, “Kalo nakasia' akai ra kaayagan.”

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

MIKA 5:5

Mabaya' ra kaikangan ru kinandoi mangayou, kalaan nilo Asyur, tana' ru Nimrod, am mamayag ilo ritakau intor ra pamulunsaran ru ulun ru Asyur paat ilo namulunsar ra wilayah takau.

MATIUS 18:22

Taam i Jisus, “Kalo, sala' ka intulu' ayuk, kaa' intulu' ngoopor intulu'.

MATIUS 5:42

Amon ru mokoondo' sangulun makitaak ra atan ayuk pana intor ramuyun, anii' io no. Amon ru mokoondo' sangulun magira' ra atan ayuk intor ramuyun, pairaa' io no.”

LUKAS 17:4

Amon ru intulu' io makatula rirun ralalom songorou no am moonong io matong rirun am mindagu, ‘Makiampun aku toojo,’ ampuno' noyo io.”

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

IPISUS 5:16

Moonong kaluagan ondo' mokoondo' ramuyun, alapo' min ginio koson mambaal ra moonsoi, sabap ra raino ti masuang kapaganan takau.

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.

1 SAMUIL 25:8

Kinami' noyo kuati' ilo ra baal raginio. Maaru' iowon nilo ginio. Ginio sabap ra malansan i Daut maa' raginio akai ti ulun nano apuon ra matanda' ra baloi muno, sabap ra minatong akai ra orou maayo ti. Pataaki' noyo atan ayuk maya' ra kasagaan muno ra ulipon-ulipon muti am niayuk ri Daut, rangan moonsoi muno.”