MAMPATANOU 10:19 - Tanou Moonsoi Timugon

¹⁹ Bunsag mapabansuk ra guang min, wain pana mampakurit ramuyun, kaa' karuruo no kalo maalap min amon ru kolondo' ruit.

MAMPATANOU 10:19 ပူးပေါင်းရင်းမြစ်များ

KASAUKAN 43:34

Akanon ra pinabatang risilo no intor ra intok ri Jusup, am pinabatang ri Binjamin indimo suang intor ra pagaka'-pagaka' nano. Pagagakan am pagiginum ilo nababaya' ri Jusup saboi nangagauk.

2 SAMUIL 13:28

Nanusub i Absalom ra ulipon-ulipon nano, “Ilai' min toojo, amon ru nagauk noyo i Amnon sabap ra manginum ra wain, mangani' aku ra pulanu, am potoyo' io. Pai' kalaa'. Aku mansaan ra baal raginio. Baalo' noyo ra baani am pai' pagantangan!”

1 TUNUNG RU BANSA' ISRAIL 21:24

Kaa' taam raja', “Kalo, masaga' aku mambali raginio ra logo toojo. Marara' aku mampataak ra longgom muno ra Tuhan, kapoam ngaangai' ondo' maalap kuno ra kalo bayarin.”

IJRA 1:6

Ngaangai' pasambalayan nilo niayuk nangindangan ra nangani' ra kuliamos ondo' makapakuan: kuliamos ru pirok, mas, lutu' koson ra pangkiralanan, bibiag koson magaut ra kuliamos, rapu' ra bokon am niayuk taak koson Baloi ru Tuhan.

NIGIMIA 5:8

am indagu aku, “Mingkotog akai toojo mamuli' ra ulun ru Jaudi ondo' nantalan kalalaat ra inan nilo ra ulun bansa' ra bokon. Kaa' raino akau pinai boo ondo' mampajajal risilo mantalan ra inan nilo ramuyun, alika akau niayuk ulun ru Jaudi!” Tingganai-tingganai no nongkokoror ayuk, am kalo timinaam ra atan pana.

ESTER 1:10

Paat ra orou katulu' ru bunsag no, nanginum raja' saboi naansukan kaga'. Raja' pana nampiau boo ra tulu' ngaulun ungkuyon sida-sida ondo' nasauk ra kambo nano galama': I Miguman, Bijta, Arbona, Bigta, Abagta, Jitar am i Karkas.

MAZMUR 104:15

am makabaal ilo ra tinapayan koson mapabansuk ra guang, umau jaitun koson mapakalunau ra bulos, am akanon koson manaak ra kaligagan.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

MAMPATANOU 2:3

Sabap ra inunsu' ru gogot ru guang galama' koson mokoowot ra kapintaran, manginum aku ra wain am mambaal aku ra kasagaan galama' koson mapakaansuk ra guang. Indos kuli gitio noyo ralan moonsoi kaga' ra ulun koson sumia' ra kaayagan ondo' mariwa' kaga' ra tana' ti.

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

JISAYA 24:11

Ulun sogolok-golok ra ralan sabap nakayaan ra wain. Kaansukan pinuso noyo ra tana' ra sabuoi-buoi no.

MATIUS 17:27

Kaa' pai' takau sinduali' guang ru ulun-ulun raginio. Ongoi pagapon ra tasik. Intor ra kabang ru papait ra kasaa' maapon muno, makatuum kou ra ruit makaukop pambayar ra cukai tano. Alapo' ruit no am bayari' cukai tano.”

MATIUS 19:21

Indagu i Jisus riso, “Amon ru masaga' kou matanda', ongoyo' talano' ngaangai' kuliamos muno am ruit no pataaki' ra ulun musikin, am okou pana makarapu' giu' ra suruga'. Mopongo raginio ibok, baya' no Raki'.”

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

LUKAS 8:3

i Joana, andu' ri Kuja, pagawai ra istana raja' Irodis, i Susana am masuang poyo ruandu' ra bokon. Masalok ilo mangindangan ri Jisus am maamaya' Nano koson mangani' risilo ra balanja'.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 2:45

Mokoondo' intor risilo mantalan ra rapu' nilai, am ruit i tinayar-tayar ra popolos nilo maya' ra pakuan ru sasangulun.

1 PITRUS 4:3

Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.

TINGGANAI RU BANSA' 14:10

Minongoi ama' ri Simson ra baloi ru ralaa no, am nambaal i Simson ra bunsag ra giu' no. Gitio noyo kaulayan ru ungkuyon mamulok paat raginio.

TINGGANAI RU BANSA' 9:13

Kaa' taam puun ru anggur no, ‘Kalo malanggaan ku manangampos ra wain ondo' mapabansuk ra guang ru dewa am ulun, koson mamarinta ayuk toojo ramuyun.’

1 SAMUIL 25:36

Paat ri Abigail minuli' ri Nabal, mokoondo' bunsag maayo giu' ra baloi nano, koson ra bunsag ru raja'. Sabap ra nagauk i Nabal am maansukan, kalo nambala' i Abigail ra atan pana riso saboi ra suabon no.