MAMPATANOU 10:12 - Tanou Moonsoi Timugon

¹² Rinagu ru ulun mapintar namparatong ra urumat ru inan nilo galama', kaa' rinagu ru ulun kalo matanda' nampalaat ra inggalan nilo galama'.

MAMPATANOU 10:12 ပူးပေါင်းရင်းမြစ်များ

2 SAMUIL 1:16

Kon ri Daut ra ulun ru Amalik no, “Gitio kasalaan muno galama'. Inukum matoi mu okou galama' sabap ra nangiou kou ra okou noyo ondo' namatoi ra raja' ondo' pinili' ru Tuhan.”

AYUP 16:5

Paikangon takamin ra bilin kuno, am marayus mindagu koson mangansuk ramuyun.

MAZMUR 140:9

Iou Tuhan, pai' iowo' gogoton ru ulun malaat; pai' polosoo' atan ondo' atangon nilono makaampos.

MAZMUR 37:30

Ragu-ragu ru ulun moonsoi no matanda', am ilo galama' pana matimpok.

MAZMUR 64:8

Kaa' pabakison ri Aki Kapuuno' panah Nano risilo, bulintok niayuk raginio majamaran ilo.

AMSAL 10:10

Ulun ondo' mapasibuni ra motopot mangkinibit ra kapaganan, kaa' ulun ondo' mansawai ra sailon no magibit ra kaansayan.

AMSAL 10:8

Ulun mapintar masaga' mangapu ra bilin. Ulun ra jajajou ragu io no makalayau.

AMSAL 12:18

Ragu-ragu ra moporos makapilat ra guang koson motobok ru ilang, kaa' ragu ra mapintar koson ra tatapis makapali'.

AMSAL 15:2

Ragu-ragu ru ulun mapintar mambaal ra katutunan mamunduk ra guang, kaa' ragu-ragu ru ulun sasambungon jajajou ayuk.

AMSAL 15:23

Ragu-ragu ra pinasalula' nakatuma' ra bulintok no maparatong ra kaansukan.

AMSAL 19:5

Ulun ondo' magabau giu' ra makama' am ulun ondo' magambut musiti' ukumin.

AMSAL 22:11

Ulun ra mabanis guang am molomoi ra mindagu masauk ra rangan ru raja'.

AMSAL 26:9

Ulun sasambungon ondo' kuminam mindagu ra abig koson ra ulun magauk ondo' kuminam mansula' ra ruui ra kalindu' nano.

AMSAL 31:26

Mapintar ra io mindagu am molomoi.

MAMPATANOU 12:11

Rinagu ru ulun mapintar koson ra jujuga' malarom ondo' pinakai ru magagalung koson mantamung ra domba, am santimungan ra amsal maikang koson ra paku' ondo' pinatansok ra malandom kaga'. Ngaangai' no tinaakan ri Aki Kapuuno', rorondo' ayuk Magagalung ritakau.

MAMPATANOU 4:5

Kon nilo, ulun kalo matanda' ayuk ondo' manturung ra kalindu' pogompoyon am mompoloso ra inan nano matoi maitilan.

MAMPATANOU 5:2

Gumaai kaimamangan ru guang muno, maaru' lair okou makaupi ra malaat. Jumanjai suang rinagu muli, gumaai poyo okou mampaingkual ra ragu-ragu kalo motopot.

MAMPATANOU 5:6

Kalo untobon ra mapara' suang ru guangon muli, kapoam mapara' suang ru pirot muli ondo' kolondo' onong, kapoam mapara' suang ru ragu muli, musiti' okou magulayun malaa' ri Aki Kapuuno'.

MAMPATANOU 9:17

Moonsoi poyo mangining ra ragu-ragu molomoi intor ulun ondo' makakapandayan ka golok ru panguasa' ralalom pantitimungan ru ulun kalo matanda'.

MATIUS 12:35

Ulun moonsoi mampasalula' ra paliso moonsoi intor ra ralalom no, sabap ra io ti moonsoi. Ulun malaat mampasalula' ra paliso malaat intor ra ralalom no, sabap ra io ti malaat.

LUKAS 19:22

Indagu raja' no riso, ‘Okou no ulipon ra kolondo' onong! Ragu muno galama' mangukum rirun. Nakapandai kou noyo ra aku kolondo' guang. Sala' pana ka aku tatangan, alapon ku niayuk, am sala' ka tinanom ku, kumoson ku niayuk.

LUKAS 4:22

Moonsoi kaga' rinagu Nali, saboi nangimuag am nangiou ulun Riso, konilo, “Anak alia gitio ri Jusup.”

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

KOLOSI 4:6

Kasalok kano makimansunur ra ondo' mampakatasu' am makapamunduk ra guang. Tutun kano ati kulaan tumaam ra matanda' ra atan ayuk pangkuatan ru sasangulun.