MAMPATANOU 1:3 - Tanou Moonsoi Timugon

³ Ngaangai' ulun gumogot kaga' mangandoi ralalom ru kaayagan nilo, kaa' ati nua' ampos ondo' naalap nilo?

MAMPATANOU 1:3 ပူးပေါင်းရင်းမြစ်များ

MAMPATANOU 2:11

Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.

MAMPATANOU 2:18

Kolondo' rondo' pana ondo' binaal am naalap kuli makaarati' ralalom ru kaayagan kuno, sabap ra nakapandai aku noyo ra musiti' pataakon ku gitio ra ulun malit raki'.

MAMPATANOU 2:19

Osoi makapandai? Maaru' lair mapandai io! Maaru' lair kolondo' katandaan! Kaa' io noyo nanungkus ra ngaangai' ondo' binaal kutu; ngaangai' ondo' naalap kuli ra tana' ti intor ra kapintaran kutu. Ngaangai' no kolondo' onong.

MAMPATANOU 2:22

Ulun mangandoi am maimamang buoi ru bayag nilo, kaa' atan nua' ampos nano?

MAMPATANOU 3:9

Atan nua' ampos ru binaal takau ti?

MAMPATANOU 4:3

Kaa' ondo' maansukan toojo ioginio ulun-ulun ondo' kalo poyo inanak, sabap ra ilo kalo poyo nakakito ra kalaatan ondo' binaal ralalom ru tana' ti.

MAMPATANOU 4:7

Mokoondo' poyo ondo' kolondo' onong ralalom ru kaayagan ti.

MAMPATANOU 5:16

Kaayagan takau ralalom ru kalandaman am kangilukan ru guang, pagalabaan, kasangitan, am niayuk karualan.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 6:12

Atan koson ulun makapandai ra atan ondo' moonsoi kaga' tayar ru kaayagan nilo ondo' mariwa' am kolondo' onong ti – kaayagan ondo' mataki' lumiot koson ra babara'? Atan koson ulun makapandai ra atan ondo' masauk ra tana' ti malupus ra ilo matoi?

MAMPATANOU 7:11

Moonong ulun ondo' maayag musiti' makakapintaran; baal raginio nogondo' ayuk bonsoi nano koson mangapu ra tungkuson,

MAMPATANOU 9:13

Nakakito aku niayuk ra tiluan moonsoi intor ra atan koson kapintaran ondo' karaan ru ngaangai' ulun ra tana' ti.

MAMPATANOU 9:3

Nasip ru ngaangai' ulun nogondo' am baal raginio kalo motopot, koson ra ngaangai' baal ru bokon ralalom ru tana' ti. Buoi ra kaayagan ru ulun, guang nilo napanu' ra kalaatan am kolondo' katandaan, am pulali' ayuk boo matoi.

MAMPATANOU 9:6

Katagaman, kasisangan, am kasagaan ru guang nilo galama', ngaangai' no linimiot mabaya' risilo. Ilo kalo boo mangalap ra tayar ralalom atan-atan baal ondo' masauk ra tana' ti.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

ABAKUK 2:13

Bansa'-bansa' ondo' kinuasa' min makai' ikang ra kolondo' onong; ngaangai' ondo' baalon nilo makai' kosolob ru apui. Tuhan Ondo' Maayo Kaga' Kuasa' nambaal ra baal ragitio.

ABAKUK 2:18

Atan onong ru sinungkalalaing? Sinungkalalaing binaal ayuk ru ulun am ondo' noowot min intor raginio abau ayuk toojo. Atan kia kalabaan ondo' moowot ru ulun nambaal ra sinungkalalaing intor ra sinungkalalaing no? Sinungkalalaing kalo mindagu!

MATIUS 16:26

Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

1 KORINTUS 16:16

Pabukat kau ngaangai', bayaa' min noyo ulun koson raginilo, am niayuk moonong ulun ondo' mangindangan mangandoi koson risilo.