MAMPATANOU 1:16 - Tanou Moonsoi Timugon

¹⁶ Mindagu aku ralalom ru guang kuno, “Nasauk aku no ra maatang kaga', mapintar poyo intor ra ngaangai' ulun ondo' namarinta ra Jirusalim ra kalo poyo bulintok kuno. Nakapandai aku no ra masuang kapintaran am katutunan ondo' motopot.”

MAMPATANOU 1:16 ပူးပေါင်းရင်းမြစ်များ

1 RAJA'-RAJA' 10:7

Kaa' kalo mangintopot aku ra aku kalo poyo matong am makakito galama' ra ngaangai' no ra mato kuno galama'. Kaa' atan ondo' norongog kuli kalo poyo napiruo intor ra atan ondo' nakito kuno raino. Kapintaran am kalangkayaan muno maayo poyo intor ra ondo' norongog ku noyo.

1 RAJA'-RAJA' 4:30

Raja' Salomo nasauk ra ulun mapintar poyo intor ra ulun mangapintar giu' ra pagun ru Sirangon am ulun mangapintar giu' ra pagun ru Misir.

1 RAJA'-RAJA' 5:9

Mamagun kuno magibit ra tataun no tumuun intor ra Libanon mongoi ra raat. Bongkoson nilo tataun-tataun no masauk ra rakit am abason pasisilon ra nagas mongoi ra intok aruon muno. Giu' no mamagun kuno mamugal ra rakit-rakit no, am maalap boo ru mamagun muno. Ulaan muno iono mampaakan ra mamagun kuno.”

2 RAJA'-RAJA' 5:20

i Gigaji, ulipon ri Ilisa mindagu ralalom ru guang, “Kua paugaro' ri Ilisa no i Naaman ra kalo nambayar kasanganu pana? Musiti' io mangapu ra pinataak ru ulun ru Siria no. Ralalom inggalan ru Tuhan ondo' maayag, ilowon ku ulun ru Siria no am makitaak sanganu intor riso.”

2 TUNUNG RU BANSA' ISRAIL 2:12

Koompor noyo Tuhan, i Aki Kapuuno' ru Israil, Namangun ra limbowon am namingkal ra tana' ti! Nangani' Io ra Raja' Daut sangulun anak ungkuyon ondo' mapintar, mapandai, am maligag, ondo' raino mangatang koson mambaal rondo' baloi koson ra Tuhan am rondo' istana nano galama'.

MAZMUR 4:4

Karaa' ra Tuhan noyo nampili' ra ulun ondo' gumagaya' Riso koson ra longgom Nano, am mangining Io paat ra aku mampiau Riso.

MAZMUR 77:6

Makara' ku orou ra galing, orou am bilor ra nakasail.

MAMPATANOU 2:1

Namatas aku koson mapakaansuk ra guang galama' maa' raginio makapandai atan arati' ru kaansukan, kaa binaal kuno kolondo' onong.

MAMPATANOU 2:15

Karaan ku, “Pupus kuno nogondo' ayuk ra pupus ru ulun kolondo' katandaan. Ginio ra, atan onong no ru mapintar aku?” Ginuang ku ra kapintaran kutu totopot kolondo' onong.

MAMPATANOU 2:9

Topot, ra aku ti maayo kaga' kuasa' intor ra ulun ondo' nakaili' minayan ra Jirusalim, am kuasa' kuno masalok mangindangan raki'.

MAMPATANOU 3:17

Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

JIRIMIA 22:14

Aibui boo ra ulun ondo' mindagu, “Mambaal aku ra istana ondo' mokoondo' ra lamin-lamin mangaayo giu' ra luting no.” Pambaal io boo ra gigimpalan ra baloi nano, am tataun pinangiing intor ra tataun sidar, am tinulisan ra batik malia'.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

IBRANI 5:14

Kaa' pangilaan malandom intor ri Aki Kapuuno' maratian ayuk ru ulun ondo' siminingkot ra pangintapatan, ginio mogondo' ra akanon ondo' sapaan ru ulun nasukor ayuk, ondo' nakaili' noyo am makaulig ra atan moonsoi am atan malaat.