MAMPATANOU 1:14 - Tanou Moonsoi Timugon

¹⁴ Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAMPATANOU 1:14 ပူးပေါင်းရင်းမြစ်များ

MAMPATANOU 12:8

Ngaangai' no kolondo' onong, kon ri Ulun Mangkara'.

MAMPATANOU 2:11

Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.

MAMPATANOU 2:17

Ginio ra, kolondo' arati' ru kaayagan ti raki', sabap ra nakaili' aku noyo ra ngaangai', nangani' ayuk raki' ra kapaganan. Ngaangai' no kolondo' onong; nangilou aku ayuk ra angin.

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

MAMPATANOU 3:19

Sala' ka kia ulun am bibiag no nogondo' ayuk nasip nilo? Karuruo no ondo' naayag am mapandai matoi. Ulun kalo niayuk moonsoi poyo intor ra bibiag, sabap karuruo no maayag am kolondo' onong.

MAMPATANOU 4:16

Suang ru mamagun ondo' pinarinta ru sangulun raja' maaru' lair kalo nauntob, kaa' amon ru matoi raja' no, kolondo' sangulun pana maringkuanang ra binaal moonsoi nano. Ginio pana kolondo' onong, koson kandoi mangilou ra angin.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

MAMPATANOU 4:6

Maaru' lair motopot ginio, kaa moonsoi poyo makarapu' koborok mabaya' ra guang mamaan, intor ra masalok mingkotog toojo mangandoi ra ruo longon am mangilou ra angin.

MAMPATANOU 6:9

Ngaangai' no kolondo' onong koson kandoi mangilou ra angin. Moonsoi poyo maringkuanang kou ra atan ondo' soroi rirun intor ra masalok kou gumogot ra atan ondo' kolondo' rirun.

MAMPATANOU 8:16

Paat ra aku nangkinam makaalap ra kapintaran am makarati' ra ngaangai' ondo' masauk ra tana' ti, nalimanan ku kabalu' pana ra itakau kalo mombolong orou am rondom,