MAMPATANOU 1:13 - Tanou Moonsoi Timugon

¹³ Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

MAMPATANOU 1:13 ပူးပေါင်းရင်းမြစ်များ

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

AYUP 28:3

Molondom kaga' subolon, intok ondo' malandom kaga' imumuyin. Giu' no, giu' ra ralalom ru kalandaman, maguyum ulun ra masuang batu.

MAZMUR 111:2

Makaimuag toojo atan ondo' binaal ru Tuhan; ngaangai' ulun ondo' maansayan ra atan ondo' binaal Nano imansain no toojo.

AMSAL 18:1

Ulun ondo' tumuliar intor ra ulun ra bokon iono mangkara' ayuk ra inan nano galama'; guangon moonsoi ru ulun ra bokon kalo rongogon nilo.

AMSAL 18:15

Ulun mapintar masalok tumampos am masaga' migigila'.

AMSAL 23:26

Alii ra anak kuno, imansai' toojo am bayaa' bayag kuno.

AMSAL 25:2

Mongompor takau ri Aki Kapuuno' sabap ra ondo' inopot Nano, mangurumat takau ra raja' sabap ra atan ondo' pinabala' nano.

AMSAL 4:7

Baal ra maatang kaga' ondo' musiti' muno baalon ioginio mompogogot ra kapintaran. Atan pana ilowon muno, ondo' maatang kaga' no mompogogot ra pangaratian.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 11:5

I Aki Kapuuno' nambaal ra ngaangai' no, am ulun kalo makarati' ra binaal Nano koson ra ulun ondo' kalo makarati' ra tuu' ru kaayagan bagu ralalom binunakan ru ina'.

MAMPATANOU 12:12

Alii ra anak ku ngai', mokoondo' poyo ondo' musiti' kau makapandai: manulis ra buuk kolondo' pupus nano, am najanjayan suang ru igilaan mantibagui ra inan.

MAMPATANOU 2:23

Buoi ru bayag nilo, ngaangai' binaal nilai namparatong ra kaimamangan am karualan ru guang. Paat ra rondom ti magalabo toojo guang nilo. Ngaangai' no kolondo' onong!

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

MAMPATANOU 3:10

Nakapandai aku noyo ra i Aki Kapuuno' nangani' ra kapaganan ondo' maagat kaga' ritakau.

MAMPATANOU 3:11

Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

MAMPATANOU 7:25

Gumogot aku migigila' am maguyum ra kapandayan koson makaalap ra kapintaran am taam ru kinuatan kuli. Kinamin ku aratio' ra kolondo' katandaan no kalaatan am kolondo' guang no tutuyangon.

MAMPATANOU 8:9

Nakakito aku no ra ngaangai' baal ragitio paat ra aku mangkara' ra ngaangai' baal ondo' nasauk ralalom ru tana' ti. Sampiruo ulun makakuasa', kaa' ulun ru bokon naimbolo' kalalaat ra ragana' ru kuasa' nilo.

1 TIMOTIUS 4:15

Piroto' baalo' ngaangai' ru ginio, maa' raginio makito boo ru ulun masuang kasingkatan muno.