MALIAKI 4:3 - Tanou Moonsoi Timugon

³ Paat orou raginio mimbuor Aku, am kalaan min ulun malaat. Masauk ilo koson ra kaau ondo' kinjangin min.

MALIAKI 4:3 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

2 SAMUIL 22:39

Mampalamba' aku risilo saboi ra ilo kalo makasukal; maaba' ilo sabap ra naala ra saang kuno.

2 SAMUIL 22:43

Mangumok aku risilo, saboi ilo masauk koson ra kaau; kikinjangin ku ilo koson ra losok ra ralan.

AYUP 40:12

Iou, tantangi' noyo ulun ondo' lumimbau am pakukuo' ilo; umoko' noyo ulun malaat raino niayuk.

MAZMUR 147:6

Ulun ra inimbolo' no inanian No ra kuasa', kaa' ulun malaat no pinapatir No ra tana'.

MAZMUR 49:14

Ginio noyo nasip ru ulun ondo' mangintopot ra inan nilo galama', am nasip ru ulun ondo' maringkuanang ra linangkayaan nilo.

MAZMUR 91:13

Kukuo am singa' kikinjangin mu, singa' ra masigo am kukuo ra mabisa'.

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 26:6

Ulun musikin am naimbolo' mamanjak-manjak riso.

SULABOI 1:15

“Kuritin ru Tuhan pantula'-pantula' kuno; nangator Io ra saujor koson mamuso ra ungkuyon mamulok kuno. Kininjangan No ulun kuno saboi natutuk, koson ra ulun mamaga' ra kawa' ru anggur.

YEHEZKIEL 28:18

Talanon muno nososok ra ondo' kalo mabanis saboi intok-intok sambayangan muno najamalan. Ginio ra solobon ku bandar muno saboi mapuso. Ngaangai' ulun ondo' magilong rirun raino makakito ra kaau ayuk.

DANIL 7:18

Kaa' ulun ri Aki Kapuuno' Ondo' Masawat Kaga' mangapu ra kuasa' koson mamarinta ra sabubuoi no.”

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

MIKA 5:8

Kalaan ru Israil pantula' nilo am mamuso risilo ngaangai'.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

JAKARIA 10:5

Mamagun ru Jiuda mamanang koson ra saujor ondo' manginjang-injang ra pantula' ralalom ru losok giu' ra ralan. Mangayou ilo sabap ra Tuhan mabaya' risilo. Kalaan nilo pantula' ondo' mangura' ra kuda.

MALIAKI 3:17

Mindagu Tuhan Ondo' Maayo Kaga' Kuasa', “Masauk ilo ra ulun Kuno. Paat ra orou Aku mimbuor ra tauli no, masauk ilo ra longgom Kuno ondo' tagamin toojo. Makaasi' Aku risilo koson ra sangulun ama' ondo' makaasi' ra anak ondo' mangandoi ayuk riso.

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 14:20

Kawa' ru anggur no pagaan ra liwar ru bandar, am intor ra intok pamagaan no nampaliur raraa' koson ra sungoi ondo' galur no talu ngaatus ngakilomito am landom no ruo ngamito.