MALIAKI 4:1 - Tanou Moonsoi Timugon

¹ Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

MALIAKI 4:1 ပူးပေါင်းရင်းမြစ်များ

AYUP 18:16

Bakat nilo mapua' am kumulionjot, raan nilo lumonot am kumukus.

MAZMUR 119:119

Pangkaraan Muno ra ngaangai' ulun malaat no koson ra ginsamol; ginio ra tagamin ku panusuban Muno.

MAZMUR 37:9

Ulun ondo' malansan ra Tuhan makatungkus ra pagun ti, kaa' ulun malaat inggalarin.

KAINGKUALAN 15:7

Ra kinaayo kaga' Muno, pinuso Mu pantula' Muno; sangit Muno nasimbuluk am nonolob risilo koson ra rami.

JISAYA 40:24

Ilo no koson ra tatanom mamulok, ondo' bakat nano kakatuu' ayuk. Paat ra Tuhan mapasampui ra angin, mapua' ilo am masiob koson ra rami.

JISAYA 41:2

Osoi kia naparatong ra mangnguasa' intor ra sirangon, am napamanang riso ra ati ayuk angayan nano? Osoi kia ondo' nangani' riso ra kamanangan ra raja'-raja' am bansa'-bansa'? Ilang nano monotok risilo, pagilayan risilo onongon ayuk ra kaau. Panah nilono mapatabulias risilo koson ra rami masiob ru angin.

JISAYA 47:14

Ilo koson ra rami ondo' nakai' kosolob ru apui; kalo makapamayag ilo ra inan nilo galama'! Simbula' ru apui no malasu' kaga' limanin nilo, sala ka apui malasu' pandarangan.

JISAYA 5:24

Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

JISAYA 9:18

Sabap ra Tuhan Ondo' Maayo Kaga' Kuasa' siminangit toojo, ukuman Nano koson ra apui ondo' nonolob ra titikop ru pagun no am niayuk namagun nano. Moonong ulun mangkara' ayuk ra kaatangan ru inan nano galama'.

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

YEHEZKIEL 21:32

Mapuso kau akanon ru apui. Raraa' min malayak giu' ra pagun min galama'. Kolondo' osoi pana boo makakara' ramuyun.’ ” Tuhan nakaindagu noyo.

YEHEZKIEL 24:11

Iruani' boo pagangan gangsa' ondo' kolondo' suang giu' ra rasawat ru apui saboi malia' kaga'. Mopongo togol nano mosolob, pagangan no mapasau saguli' sumugut ra kaulayan ru ugama.

YEHEZKIEL 34:17

“Rongogo', akau domba Kuno. Aku, Tuhan Raja', nambala' ramuyun ra mangakim Aku ramuyun sigagama', am mampatuliar ra moonsoi intor ra malaat, domba intor ra kambing.

YEHEZKIEL 7:10

Orou karaat ra tayar ru Israil mamaar noyo. Pampatayan gumaai-gaai. Kalimbawan nokopolos ra tampak nano.

JOIL 2:1

Samputi' bujung, kosongowo' bolos tatandu' makalalaa' giu' ra Sion, bulur matulai ri Aki Kapuuno'. Ponontol kano, akau mamagun ru Jiuda, sabap ra Orou ru Tuhan matong ra mataki'.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

AMOS 2:9

Kabalu' pana koson raginio, akau ulun Kuno, ra tayar min noyo mamuso ra ulun ru Amori ondo' masawat koson ra puun sidar am maikang koson ra puun oak.

OBAJA 1:18

Papag ri Jakub am i Jusup koson ra apui, pusoon nilo papag ri Isau koson ra apui monolob ra rami. Kolondo' sangulun pana intor ra papag ri Isau maayag. Aku, Tuhan nakaindagu noyo.

NAGUM 1:10

Akau magauk solobon koson ra rami ondo' mapua', koson ra bulungkut makaruui ondo' nanririlit.

JIPANYA 1:14

Orou pangakiman ru Tuhan mamaar noyo, sotopot no, orou raginio mamaar noyo kaga' am matong ra mataki'. Orou raginio natikop ra kangilukan, saboi saujor-saujor ondo' maikang kaga' pana lalaur sabap ra malumpus guang.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

JAKARIA 14:1

Mamaar masaboi paat ra Tuhan mimbuor koson ra akim. Paat raginio Jirusalim takawin ru ulun, am kuliamos tokowon no tatayaron ra talupak ru mato nilo galama'.

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

MALIAKI 3:2

Kaa' osoi kia ondo' tumaan ra orou Io matong am mintalang ra inan? Io koson ra sabun ondo' totopot makalulu' am koson ra apui ondo' manuyu' ra logam.

MALIAKI 3:3

Matong Io koson mangakim ra ulun, koson sangulun ondo' mamasau am manuyu' ra mas am pirok, koson niayuk ra ulun sinusub ru Tuhan mamasau toojo ra imam-imam maa' raginio mampataak ilo ra taak simbalui ondo' maaya' pataakon ra Tuhan.

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

LUKAS 19:43

Sabap ra masaboi paat no limpuin kou ru pantula' muno, ampangin am awangin kou ra ngaangai' intok.

LUKAS 21:20

“Amon ru makito min bandar Jirusalim limpuin ru saujor, matutunan min boo ra lunsayon io ra maagu no.

LUKAS 6:23

Pakaansuk kano amon ru masauk gitio ramuyun, sabap ra maayo ampos maginaa ramuyun giu' ra suruga'. Sabap ra koson raginio niayuk pinamakuan ru kinamatuaan nilai ra nabi-nabi ra galing i.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.