MALIAKI 3:5 - Tanou Moonsoi Timugon

⁵ Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MALIAKI 3:5 ပူးပေါင်းရင်းမြစ်များ

KASAUKAN 20:11

Taam i Abragam, “Indos ku, giti kolondo' osoi pana malaa' ri Aki Kapuuno' sabap saboi potoyon aku ru ulun ondo' masaga' mamundus ra andu' kuno.

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

AYUP 31:12

Tula no mamuso koson ra apui ru naraka, monolob ra ngaangai' ondo' longgom kuno.

AYUP 7:2

koson ra ulipon ondo' moondom ra intok sindungan; koson ra mangngandoi ondo' maginaa ra gaji'.

MAZMUR 36:1

Ra tingganai ru santimungan maririmbai. Mazmur ri Daut, ulipon ru Tuhan.

MAZMUR 81:8

Bulintok ra akau makakapaganan, mampiau kau Raki', am Aku pana mamayag ramuyun. Intor ra intok pansibunian Kuno ra ralalom ru gaun ru ganit, iowon Ku kinitaak mino; giu' ra taur ru timug Miriba nangkinam Aku ramuyun.

MAZMUR 96:13

bulintok ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MAZMUR 98:9

sabap ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

KAINGKUALAN 1:17

Kaa' ulun-ulun mampaanak no malaa' ri Aki Kapuuno'. Marara' ilo mambaal ra susuban ru raja', am pinoloso nilo lalagang ungkuyon maayag.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

KAINGKUALAN 22:20

“Osoi mapataak ra taak simbalui ra tuhan-tuhan ra bokon, ondo' ak am Aku, Tuhan, musiti' ulun no ukumin ra matoi.

AMSAL 16:6

Ulun ondo' gumagaya' ri Aki Kapuuno' ampunon No. Ulun ondo' mangurumat am malaa' ra Tuhan makainggalur intor ra kalaatan.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JISAYA 57:3

Ibok kano, akau ulun makatula. Polosoon akau akimin! Laat mini koson ra ulun mangurana', ulun ondo' masaga' mansawa', am ulun mantalan ra inan.

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 27:10

Namparuung ilo ramuyun saboi inibit kau ra maalur intor ra pagun min. Pagiruon Takamin, am mapuso kau.

JIRIMIA 27:9

Pai' rongogo' nabi min kapoam osoi pana ondo' manginggalar ramuyun kumuku' ra raja' Babilonia, kabalu' pana mangiou ilo ra makapanala' ra orou tauli, inda' pana ralalom ru inupi, kapoam mampiau ra ambiluo ru ulun minatoi, kapoam kapandayan ra sihir.

JIRIMIA 29:23

Koon raginio noyo pupus nilo sabap ra nambaal ilo ra tula mangaayo giu' ra Israil: nansasawa' ilo, am namakai ra inggalan ru Tuhan koson nagabau. Binaal raginio nansala' ra kasagaan ru Tuhan. Nakapandai Io ra atan ondo' binaal nilo, am Io galama' nasauk ra sasi' ondo' manggal risilo. Tuhan nakaindagu noyo.”

JIRIMIA 42:5

Ilo pana mindagu boo raki', “Polosoon noyo Tuhan masauk ra sasi' ondo' mabanis guang am motopot ramon amon ru kalo gumagaya' akai ra susuban ondo' tinaakan ru Tuhan, i Aki Kapuuno' takau rirun koson ramon.

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

JIRIMIA 5:29

Kaa' Aku, Tuhan mangukum risilo sabap ra ngaangai' baal raginio; balasin Ku binaal ru bansa' ragitio.

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

IMAMAT 20:10

“Amon ru sangulun Israil mansawa' ra andu' ru ulun rondo' bansa' riso no, musiti' ulun no am ruandu' no ukumin ra matoi.

IMAMAT 20:27

Moonong ungkuyon kapoam ruandu' ondo' mapandai makimansunur ra ambiluo ru ulun namagatoi, musiti' bobolon saboi matoi. Ulun ondo' mambaal ragitio matoi sabap ra kasalaan galama'.”

IMAMAT 20:6

“Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

MIKA 1:2

Rongog kano, akau ngaangai' bansa'; ilai' noyo, akau ngaangai' mamagun ru tana' ti! Tuhan Raja' masauk ra sasi' koson manguu' ramuyun ngai'. Rongog kano! Mindagu Io intor ra intok Nano ondo' matulai giu' ra suruga'.

ABAKUK 1:12

Iou Tuhan, Okou i Aki Kapuuno' intor noyo ra galing. Okou i Aki Kapuuno' kuno ondo' matulai am mantilayun. Iou Tuhan, i Aki Kapuuno' kuno am manindung raki', nampili' Kou ra ulun Babilonia; nampaikang Kou risilo maa' raginio makapangukum ramon.

JAKARIA 11:12

Indagu aku risilo, “Amon ru masaga' kau, bayari' gaji' kuno. Amon ru kalo, kalo pana.” Bayarin nilo gaji' kuno suang no talu ngoopor ngampila' ruit pirok.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MALIAKI 2:14

Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.

MALIAKI 2:17

Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”

LUKAS 23:40

Kaa' sawayo' io ru rangan nali ra sinalip i, kono, “Kua pai' kou kalaa' ri Aki Kapuuno'? Okou niayuk inukuman nogondo' Riso.

ROMA 3:8

Kua guat pai' takau raguo', “Moonsoi mambaal takau ra malaat, bagu atan ondo' moonsoi no masauk”? Mokoondo' niayuk kukula' ngaulun boo magasab am manguu' raki', konilo, “Mindagu i Paulus koson raginio!” Ukumin ilo ri Aki Kapuuno' maya' ra binaal nilai no.

SAGULION 15:13

Paat ra akau mapalabus riso, pai' io polosoo' mugar ra kolondo' ibiton.

SAGULION 18:10

Pai' papataak ra anak-anak min koson ra taak ondo' solobon ra rasawat ru altar. Pai' polosoo' osoi pana ra gino ngai' min masauk ra mangngilong kapoam maguyum ra tatandu', kapoam mamakai ra jampi

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

SAGULION 27:19

“ ‘Kaulas noyo ulun ondo' tumalingaau ra kaapuan ru ulun bansa' ru bokon, anak nailusan ra matuo am napuor.’ “Ngaangai' ulun tumaam ra, ‘Amin!’

SAGULION 5:11

‘Pai' sabito' inggalan Kuno ra kuayan ondo' malaat sabap Aku Tuhan i Aki Kapuuno' min, mangukum ra osoi ayuk ondo' mampajajou ra inggalan Kuno.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

JAKUBUS 5:12

Kasaa' toojo, pabukat kau ngai', ioginio: Paat ra makimabantu', pai' kau pagibot koson manabit ra suruga', tana' ti kia, kapoam atan ayuk pana. “Iou” kamin ayuk, amon ru mabaal min, kapoam “Kalo” amon ru kalo mabaal min; maa' raginio kalo maukuman kau ri Aki Kapuuno'.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.