MALIAKI 3:3 - Tanou Moonsoi Timugon

³ Matong Io koson mangakim ra ulun, koson sangulun ondo' mamasau am manuyu' ra mas am pirok, koson niayuk ra ulun sinusub ru Tuhan mamasau toojo ra imam-imam maa' raginio mampataak ilo ra taak simbalui ondo' maaya' pataakon ra Tuhan.

MALIAKI 3:3 ပူးပေါင်းရင်းမြစ်များ

MAZMUR 116:17

Pataakon kuno Rirun taak simbalui ru paringkuanangan, liliwa' makiasi' Rirun.

MAZMUR 4:5

Paat ra akau sumangit, pai' boo pakatula. Karaan noyo baal raginio liliwa' mongkoror, paat ra akau miluluya' ra intok kaalangan.

MAZMUR 4:6

Patutuyo' noyo taak ondo' motopot am pangintopot no ra Tuhan.

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

MAZMUR 50:23

Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

MAZMUR 51:19

Taak kuno iono guang ra natutuk, iou Aki Kapuuno'; guang ondo' naumok am pansagulian, apuon Mu.

MAZMUR 66:10

Iou Aki Kapuuno', nangkinam Kou ramon, koson ra pirok inisasan ra apui.

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

AMSAL 25:4

Isasi' noyo pirok intor ra najajaingat no, bagu no matasu' kondoyon ru ulun manukang ra pirok.

JISAYA 1:25

Anggalon Takamin. Atan koson poyo ra ulun mamasau ra basi', koson raginio niayuk pamakuan Kuno ramuyun. Isasin Ku ngaangai' jaki mino.

JISAYA 48:10

Kininaman Takamin noyo ra apui kaimbalaan, koson ra pirok pinalunau ra apui.

JISAYA 61:6

Piawon kau koson ra imam-imam ru Tuhan, koson ra ulipon ri Aki Kapuuno' takau. Makasia' kau ra kinalangkayaan ru bansa'-bansa', am mamanggo makaalap ra kinalangkayaan no.

JIRIMIA 9:7

Ginio ra indagu Tuhan Ondo' Maayo Kaga' Kuasa', “Koson ra ulun mamasau ra basi', ulun Kuno kinamin Ku, maa' raginio masauk ilo ra mapasau. Atan poyo maalap Ku kabaal ra ulun Kuno ondo' nambaal noyo ra kalaatan?

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

DANIL 12:10

Masuang ulun kinamin am kapasawon. Ulun malaat kalo makarati'; rumayus ilo mambaal ra kalaatan nilo. Ulun mapintar ayuk makarati'.

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

UNTABAN 8:6

“Pasuayon ulun ru Liwi intor ra ulun ru Israil ra bokon am paugaron upacara pamasawan risilo

LUKAS 3:16

Kaa' indagu i Juanis risilo, “Aku ti mampariu' ramuyun ra timug ayuk, kaa' ra maagu no matong sangulun ondo' maayo kuasa' Nano intor raki'. Mamagus ra kasut Nano pana kalo maaya' aku. Mampariu' Io ramuyun ra Ambiluo ri Aki Kapuuno' am apui.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

PILIPI 2:17

Kaa' amon ru potoyon aku pana, am raraa' kuno masauk koson ra taak ri Aki Kapuuno', mabaya' ra pangintapatan min, maansayan aku ayuk am maansukan mababaya' ramuyun ngai'.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

2 TIMOTIUS 4:6

Kaa' koson raki' ti, maar noyo aku simbaluyon pataakin ri Aki Kapuuno'. Kalo boo mabuoi aku mangiruan ra tana' ti.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 12:10

Lapos am ila' ru ama' takano ondo' maya' ra pamaguangan nilo moonsoi, sotopot no kalo mantilayun; kaa' lapos am ila' ri Aki Kapuuno' inatang No ritakau, maa' raginio kolondo' boo tula takau mogondo' Riso.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”