MALIAKI 3:16 - Tanou Moonsoi Timugon

¹⁶ Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

MALIAKI 3:16 ပူးပေါင်းရင်းမြစ်များ

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

2 SAMUIL 7:1

Nanindung Tuhan ra Raja' Daut intor ra ngaangai' taliasou ru pantula', saboi nakaayan io ra istana nano.

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

1 RAJA'-RAJA' 18:3

ginio ra pampiau Raja' Agab ri Obaja, manalingapu ra istana nano. (I Obaja no sangulun ondo' topot-topot sumambayang ra Tuhan.

2 TUNUNG RU BANSA' ISRAIL 6:7

Kon poyo ru Raja' Salomo, “Ama' kuli, Raja' Daut, nangatang koson mambaal ra rondo' baloi koson ra intok sambayangan ra Tuhan, i Aki Kapuuno' ru Israil.

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

ESTER 2:23

Paat ra baal raginio inimumuyan, napandayan toojo ra pambalaan raginio motopot; karuruo ngaulun no inukuman ra tairon. Kopongo raginio nanusub raja' maa' raginio baal raginio tulisin ra ralalom ru buuk panulisan rasmi ru pamarintaan.

ESTER 6:1

Paat rondom raginio niayuk raja' kalo mokororot. Ginio ra, kitaako' ru raja' maa' raginio tinulisan rasmi ru pamarintaan alapon am nanusub raja' ra ulun mambasa' raginio.

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 10:4

Ulun malaat kalo mampalio ra Tuhan; sabap ra ilo malilimbau, pangkaraan nilo i Aki Kapuuno' no kolondo'.

MAZMUR 104:33

Rimbayin ku Tuhan buoi ru painawo kuno; marimbai aku mongompor ri Aki Kapuuno' kuno buoi ru painawo kuno.

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 115:13

Mambarakat Io ra ngaangai' ulun ondo' mangurumat Riso; ioginio ulun langkaya' kapoam musikin.

MAZMUR 119:63

Kumubayau aku ra ngaangai' ulun ondo' gumagaya' Rirun no, ngaangai' ulun ondo' gumagaya' ra panusuban Muno.

MAZMUR 139:4

Kabalu' pana kalo poyo maragu ku, napandayan Mu noyo atan raguon kuno.

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 16:3

Mapara' bobonsoi ru ulun ondo' mampagagaya' ri Aki Kapuuno'! Gumogot aku toojo mababaya' risilo.

MAZMUR 20:7

Raino nakapandai aku ra Tuhan nanaak ra kamanangan ra raja' ondo' pinili' Nano; intor ra suruga' Nano ra matulai no nangiou Tuhan ra kitaakon nali. Ralalom kuasa' ru Tuhan, raja' nakaalap ra kamanangan maayo.

MAZMUR 33:18

Ilo ondo' gumagaya' ilain ru Tuhan, malansan ilo ra katagaman Nano.

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

MAZMUR 56:8

Ukumi' ilo, iou Aki Kapuuno' sabap ra kalaatan nilono, ralalom ru sangit Muno, pusoo' ilo!

MAZMUR 56:9

Okou nakapandai mapara' labo ru guang kuno; nakapandai Kou mapara' suang ru lomou kuno. Sala ka kia nakatulis ngaangai' no ra kitab Muno?

MAZMUR 66:16

Ibok no am rongog no, akau ngaangai' ulun ondo' mangurumat ri Aki Kapuuno', tunungon ku atan ondo' binaal Nano raki'.

MAZMUR 94:19

Bulintok ra aku magalabo am maimamang, makimaganja' am mapabansuk Kou ra guang kuno.

KAINGKUALAN 32:32

Ampuno' noyo tula nilo; amon ru kalo, luluo' inggalan kuno intor ra kitab nanulisan Muno ra inggalan ru ulun Muno.”

AMSAL 13:20

Ulun ondo' lumatok ra ulun mapintar masauk io mapintar; ulun makimangkubayau ra ulun sasambungon maaru' io makakapaganan.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

JISAYA 4:3

Moonong ulun natatang ra Jirusalim, ioginio ulun ondo' pinili' ri Aki Kapuuno' maa' raginio maayag ilo, am piawon ra matulai.

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 65:6

Inaru' Ku noyo ukuman tayar nilono. Ukuman no tinulisan Ku noyo. Kalo polosoon Ku binaal nilono. Balasin Ku

JIRIMIA 31:18

Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

LUKAS 2:38

Nakapaat ragitio niayuk riminatong io am pongompor io ri Aki Kapuuno' am pambala' io intor ra lalagang no ra ngaangai' ulun ondo' maginaa ri Aki Kapuuno' mampalabus ra bandar Jirusalim.

RINALATAN 1:13

Giu' ra Jirusalim minongoi ilo ra baloi inayanan nilo, am pagaloi ilo boo ra lamin ra rasawat. Rasul-rasul no am i Pitrus, Juanis, Jakubus am i Andrias, i Pilipus am i Tomas, i Bartolomius am i Matius, i Jakubus anak ri Alpius, i Simon ulun Patriot am i Judas anak ri Jakubus.

RINALATAN 10:2

Io sangulun ondo' sumugut toojo ri Aki Kapuuno' am masalok ilo sambaloi sumamba ri Aki Kapuuno'. Masuang indangan nano ra ulun ru Jaudi ondo' musikin am niayuk masalok makiasi' io ri Aki Kapuuno'.

RINALATAN 2:1

Paat nasuku' orou Pentekosta, rondo' pangiantakan maayo ru ugama Jaudi, ngaangai' ulun ondo' mangintopot ri Kristus timinimung ra rondo' intok.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

IPISUS 5:19

Moonsoi mindagu kau ra sangulun am bokon ra ragu Mazmur, rimbai mongompor ri Aki Kapuuno' am poyo rimbai Kristian. Rimbayo' noyo gitio ra Tuhan mabaya' ra guang makaansuk.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

IBRANI 10:24

Guango' takau, ati koson mangindangan ra ulun montotogom ra rondo' am bokon am poyo mambaal ra moonsoi.

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.