MALIAKI 3:11 - Tanou Moonsoi Timugon

¹¹ Kalo polosoon Ku bibiag boborok mamuso ra tinanom min; puun ru anggur min makakawa' ra maawas.

MALIAKI 3:11 ပူးပေါင်းရင်းမြစ်များ

JIRIMIA 8:13

Moogot Aku manimung ra ulun Kuno koson ra ulun manimung ra ampos ru tana' nilo. Kaa' ulun Kuno koson ra puun ru anggur am puun ru ara ondo' kalo nangkawa', am poyo raun-raun no pana nolonot noyo. Ginio sabap ra Aku nangiou ra ulun bansa' bokon matong am manguasa' ra pagun nilo.”

JOIL 1:12

Puun ru kikinawa' giu' ra umo liminonot noyo boo ngaangai'; puun anggur, puun ipol, puun ara, puun kurma am puun dalima', mamagun pana kalo boo maansukan.

JOIL 1:4

Sampanon ru gapu' ondo' kalo mauntob suang no minorop giu' ra umo-umo am nangai' ra ampos no. Atan ondo' tinatang ru sampanon ra gapu' no, sinaliir ru sampanon ra bokon poyo.

JOIL 1:7

Puun ru anggur takau pinuso noyo, am puun ru ara takau pinandak. Kulapa' ru puun tataun inanit, saboi raan-raan nasauk ra mapulak.

JOIL 2:20

Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.

JOIL 2:22

Akau bibiag, pai' kalaa', sabap ra padang sakot raino masansam, puun mangkawa', am kawa' ru ara am niayuk kawa' ru anggur pana masuang.

JOIL 2:25

Paaligon Ku ngaangai' nangalubat ramuyun ra bilor-bilor bulintok ra gapu' nangakan ra ampos ru tinanom min. Aku noyo ondo' nanusub ra sampanon ru gapu' no nantipagon ramuyun.

AMOS 4:9

“Atarin Ku angin malasu' am pasisang koson mamuso ra tinanom min giu' ra umo am puun ru anggur min. Akanon koyoo' ru gapu' puun ara am puun jaitun. Kabalu' pana raginio kalo niayuk sumaguli' kau Raki'.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

AGAI 1:11

Naparatong Aku noyo ra tampio ra pagun ti saboi bulur, umo ru gandum, umo ru anggur, umo ru jaitun am ngaangai' tutuu' ra pagun ti mangapua'. Ulun, bibiag am ngaangai' tinanom min malumpa' ru tampio.”

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

JAKARIA 8:12

Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

SAGULION 11:14

Amon ru mambaal kau koson raginio, mamparatu' Io ra rasam ra tana' min ra bulintok nano, bulintok mopongo mangkumos am bulintok tumalimpuun mantanom. Koson raginio boo mokoondo' kau ra gandum, wain, umau jaitun,