MALIAKI 3:10 - Tanou Moonsoi Timugon

¹⁰ Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.

MALIAKI 3:10 ပူးပေါင်းရင်းမြစ်များ

KASAUKAN 28:22

Batu pangkaraan ra pinotolorog kutu masauk ra intok sumamba Rirun, am aniin Tokou ra sampiopor intor ra ngaangai' ondo' pataakon Muno raki'.”

KASAUKAN 7:11

Paat umur ri Nuu 600 ngambilor, iono orou koopor am tulu' ra sila' karuo, salalaput ayuk boo ngaangai' taur ru timug ra ragana' ru tana' ti. Ngaangai' kulobon ru timug ra limbowon minukab,

2 RAJA'-RAJA' 7:19

Paat raginio indagu pagawai saujor ru raja' no, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

2 RAJA'-RAJA' 7:2

Kaa' indagu pagawai saujor ru raja' no ri Ilisa, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

1 TUNUNG RU BANSA' ISRAIL 26:20

Ulun ra bokon ralalom bansa' ru Liwi inanian ra kandoi manalingapu ra kuliamos ru Baloi ru Tuhan am gudang pambulian ra ondo' tinaakan-tinaakan ra tayar ri Aki Kapuuno'.

NIGIMIA 12:44

Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

NIGIMIA 12:47

Bulintok ri Jirubabil am niayuk bulintok ri Nigimia, ngaangai' mamagun ru Israil nampataak ra taak moonong orou koson ra kaukapan ru pakuan moonong orou ru ulun-ulun maririmbai am ulun-ulun magalung ra Baloi ru Tuhan. Mamagun nampataak ra taak ondo' luntukon ra ulun ru Liwi, am ulun ru Liwi boo mangani' ra tayar ondo' paluntukon ra imam-imam.

NIGIMIA 13:5

Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan.

MAZMUR 37:3

Pangintopot no ra Tuhan am pambaal kano ra ondo' moonsoi; ayan no ra pagun ragitio am akau pana maayag.

MAZMUR 78:23

Kaa' mindagu i Aki Kapuuno' ra limbowon giu' ra rasawat, am manusub koson paukabin kulobon.

MAMPATANOU 11:3

Ati tampilon pana kaabaan ru puun tataun no, ginio noyo intok ru puun tataun no maaba'. Paat ra gaun no lumondom, rasam ra maawas pana rumatu'.

YEHEZKIEL 34:26

Mambarakat Aku risilo am mangiou risilo maayag ra libung ru bulur Kuno ondo' matulai. Giu' no mambarakat Aku risilo ra rasam bulintok ra ilo makapakuan no.

YEHEZKIEL 44:30

Imam-imam no musiti' aniin ra tayar moonsoi kaga' intor ra ngaangai' kumoson kasaa', am atan ayuk ondo' pataakon Raki'. Moonong igondo' ulun mangansak ra ruti', musiti' ilo mangani' ra ruti' kasaa' ra imam-imam no; am koson raginio noyo Aku mambarakat ra sasambaloi nilo.

JOIL 2:19

Tumaam Io risilo, “Raino masaga' Aku mangani' ramuyun ra gandum, wain am umau jaitun, am basugon kau. Bansa'-bansa' ra bokon kalo boo magasab ramuyun.

JOIL 2:24

Intok pangagikan ra gandum mososok ra gandum, am intok mamaga' ra kawa' ru anggur malabaan ra wain am umau jaitun.

IMAMAT 26:10

Ampos ru tinanom mino masuang kaga' saboi maukop ra sambilor. Mulu' poyo ingkualon min kalalaat suwo ru kinumos ra lair maa' raginio makapambulian ra ondo' kumoson bagu.

IMAMAT 26:3

“Amon ru maayag kau sumugut ra ukum Kuno am gumagaya' ra susuban Kuno,

IMAMAT 27:30

Mopor piatus intor ra ngaangai' ampos ru tinanom mino, ondo' kia gandum am niayuk kikinawa' masauk ra Tuhan tatangan.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

UNTABAN 18:21

Indagu Tuhan, “Ngaangai' sampiopor ondo' pataakon ru ulun ru Israil Raki' pataakon Ku ra ulun ru Liwi. Ginio noyo bayaran ru kandoi nilo giu' ra Kim Kuno.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

SAGULION 12:6

Giu' ra intok no akau musiti' mampataak ra taak simbalui koson mapabansuk ra guang ru Tuhan, am taak simbalui ra bokon, sampiopor am taak ra bokon, taak ondo' binantu' min ra Tuhan, taak ondo' pataakon ayuk toojo, am niayuk anak katuaan ru sapi', am niayuk anak katuaan ru domba min.

SAGULION 14:22

“Lilio' noyo taak sampiopor, iono sampiopor intor ra ngaangai' ampos ru umo min ra moonong bilor.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

SAGULION 28:12

Tuhan mamparatu' ra rasam ra bulintok nano intor ra intok pambulian ra rasam giu' ra limbowon; mambarakat Io ra ngaangai' kandoi min maa' raginio makapapaira' kau ra masuang bansa', kaa' akau galama' kalo boo magira' ra atan pana intor ra osoi pana.