MALIAKI 2:8 - Tanou Moonsoi Timugon

⁸ Kaa' raino, akau imam-imam, siminiang intor ra ralan ondo' motopot. Pangilaan min nangkinibit noyo ra masuang ulun nambaal ra kasalaan. Inanggal min nabantuan ondo' binaal Kuno ramuyun.

MALIAKI 2:8 ပူးပေါင်းရင်းမြစ်များ

2 RAJA'-RAJA' 16:11

Binaal ri Uria rondo' altar koson raginio, am pinongo no ra kalo poyo siminaguli' Raja' Agas.

NIGIMIA 13:29

Iou Aki Kapuuno', karaa' noyo ati kulaan ngaangai' ulun no nampajamol ra kandoi ru imam am nabantuan ondo' binaal Muno ra imam-imam am ulun ru Liwi.

MAZMUR 119:102

Kalo lilianin ku ukum Muno, sabap ra Okou noyo nangila' raki'.

MAZMUR 18:21

Moonsoi balos ru Tuhan raki' sabap ra nambaal aku ra motopot; nambarakat Io raki' sabap ra kolondo' sala kuno.

AMSAL 12:8

Ulun mapintar makaapu ra ompor; ulun sasambungon makaapu ra pagasaban.

JISAYA 30:11

Ongoi ra igig! Pai' akai sawayo'. Kalo masaga' akai mangkirongog intor ri Aki Kapuuno' ru Israil, i Aki Kapuuno' ondo' matulai.”

JISAYA 59:13

Lumungkang akai am gumuor ra Tuhan, am kalo masaga' maya' ri Aki Kapuuno' mai. Nangimbolo' akai ra ulun bokon am liminayau; pangkaraan mai nakalayau, am ragu-ragu mai abau ayuk.

JISAYA 9:16

Ginio ra kalo polosoon ru Tuhan ulun mamulok nilo lumabus. Kalo igogondo' Io pakaasi' ra ulun napuor am lalaing nailusan ra matuo, sabap ra ngaangai' ulun no namatir ra pangintapatan am liminaat. Nansalinut raguon nilono malaat. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 17:5

Indagu Tuhan, “Mangukum Aku ra osoi ayuk ondo' mangiruan Raki', am ondo' malansan ra ulun am niayuk malansan ayuk ra ikang ru ulun ondo' mapandai matoi.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

YEHEZKIEL 22:26

Minanggal imam-imam ra ukum Kuno am kalo mangurumat ra atan ondo' mapasau ra tayar Kuno. Kalo pansalaan nilo atan ondo' mapasau am atan ondo' kalo mapasau. Kalo nangila' ilo ra nansala' ondo' iowon am ondo' inggalarin. Kalo lioon nilo orou Sabat. Kinibit ru ginio ulun ru Israil kalo mangurumat Raki'.

YEHEZKIEL 44:10

Indagu Tuhan raki', “Ukumin Ku ulun ru Liwi ondo' nababaya' ra ulun ru Israil ra bokon ondo' nangiruan Raki' am siminamba ra sinungkalalaing.

YEHEZKIEL 44:12

Kaa', sabap ra nambaal ilo ra upacara sumamba ra sinungkalalaing koson bansa' ru Israil, am binaal raginio nangkinibit ra ulun makatula, ginio ra Aku, Tuhan Raja' magibot ra ilo musiti' ukumin.

YEHEZKIEL 44:7

Jinamalan nilo Baloi Kuno ra nangiou ra ulun bansa' ru bokon ondo' kalo sinunatan am kalo giminagaya' Raki', siminubol ra Baloi Kuno, paat ulun mampataak ra lomok am raraa' ru taak simbalui Raki'. Ra ngaangai' ru binaal ondo' makauyuyu' no, minanggal ilo ra nabantuan Kuno risilo.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

IMAMAT 21:15

Amon ru manggal io ra aturan raginio, anak-anak nano ondo' sotopot no matulai, masauk majamol. Aku noyo Tuhan am patimpokon Ku noyo io ra Tingganai Maayo Imam.”

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MALIAKI 2:5

Ralalom ru nabantuan no binantu' Ku mangani' risilo ra kaayagan moonsoi am mamimio. Suguton Ku nabantuan no maa' raginio mangurumat ilo Raki'. Paat raginio topot ra mangurumat ilo Raki' am malaa' Raki'.

UNTABAN 25:12

I Pinigas pana balai' ra makimabantu' Aku riso ondo' masauk ra sabuoi-buoi no.

UNTABAN 25:13

Sabap ra kalo pinoloso no Israil siminamba ra tuhan ra bokon, am naparatong io niayuk ra pangampunan ra tula ra tayar ru ulun raginio, io am papag nano masauk ra imam ra sabuoi-buoi no.”

ROMA 14:21

Ginio ra moonsoi poyo kalo mangakan ra kual, manginum ra wain kapoam mambaal ra atan ayuk, amon ru ginio poyo mangkinibit ra pabukat Kristian muno makatula.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

1 SAMUIL 2:17

Koon raginio noyo karuruo anak ri Ili no makatula ra maayo ra pagilangan ru Tuhan, sabap ra magasab ilo ra taak simbalui no ra tayar ru Tuhan.

1 SAMUIL 2:24

Pai' min boo inganai' ginio, anak kau. Malaat kaga' baal ondo' rinagu ru ulun ru Tuhan no intor ramuyun.

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.