MALIAKI 2:17 - Tanou Moonsoi Timugon

¹⁷ Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”

MALIAKI 2:17 ပူးပေါင်းရင်းမြစ်များ

AYUP 34:17

Amon masisang i Aki Kapuuno' ra katimpakan, kalo maaya' Io mamarinta. Sonsolon min kia i Aki Kapuuno' ondo' matimpok am maikang kaga'?

AYUP 34:36

Amon ru ragu ri Ayup talinaasin toojo, makito toojo ra io mindagu koson ra ulun malaat.

AYUP 36:17

Kaa' raino, nontopot ra kalaatan muno, mangapu kou ra ukuman muno.

AYUP 9:24

Pinataak ri Aki Kapuuno' tana' ti ra ulun malaat, am nompobolou ra ngaangai' akim. I Aki Kapuuno' nambaal ra ngaangai' ti. Amon ru sala' ka Io, osoi poyo?

MAMPATANOU 8:11

Masaga' toojo ulun mambaal ra kalaatan sabap ulun ondo' nambaal no kalo inukum ra mataki'.

JISAYA 1:14

Masisang Aku ra pangiantakan min ra Sila' Bagu am orou-orou matulai no, ondo' mapakapagon Raki', am naagui Aku mansaan raginio.

JISAYA 29:15

Aibui boo ra ulun mompogogot mapasibuni ra pangatangan nilono intor ra Tuhan! Kalinuos nilo ayuk mimbuor am indoson kolondo' makakito kapoam makapandai ra atan baalon nilono.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 43:22

Tuhan mindagu, “Kaa' akau Israil, nasuraan kano Raki', kalo boo sumamba kau Raki'.

JISAYA 43:24

Kalo binalian min Aku ra kaminyan maamis owou, kapoam jinala' min Aku ra lomok ru bibiag ondo' pataakon min. Kaa' sinimbagatan min boo Aku ra tula mino; kasalaan mino napakapagon Raki'.

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 17:15

Indagu ulun raki', “Ati kia ngaangai' lolob ru Tuhan ramon? Polosoon Io mambaal ra ngaangai' no raino!”

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

YEHEZKIEL 16:43

Nalilianan mu ati kulaan pinamakuan Kuno rirun paat ra okou boborok ayuk poyo, am napasingkual kou ra sangit Kuno ra ngaangai' binaal muno. Ginio sabap no ra musiti' kou mansaan ra ukuman no. Kua kia pansawa' kou poyo malupus nambaal ra ngaangai' baal ra bokon ondo' makauyuyu' no?” Tuhan Raja' minindagu noyo.

YEHEZKIEL 18:25

“Kaa' kamin, ‘Binaal ru Tuhan kalo matimpok.’ Rongog kano, akau ulun ru Israil. Indoson min ra kalo matimpok Aku? Akau no ondo' kalo matimpok.

YEHEZKIEL 8:12

Pangkuot boo i Aki Kapuuno' raki', “Okou ulun mapandai matoi, nakito mu kia atan ondo' tatanga' baalon ru tingganai ru Israil ra sininok? Ilo ngaangai' sumambayang giu' ra ralalom ru lamin ondo' nososok ra sinungkalalaing am sasaban ra kalo makito Ku ilo am nangiruan Aku noyo ra pagun ti.”

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

AMOS 2:13

Raino jajakin Takamin saboi ra tana', koson ra kurita' ru sapi' ondo' nososok ra inaut ra gandum.

JIPANYA 1:12

“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’

MALIAKI 2:14

Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.

MALIAKI 3:8

Raino kuatin Takamin, ‘Maruung kia ru ulun i Aki Kapuuno'?’ Maaru' kalo. Kaa' namparuung kau niayuk Raki'. Nangkuot kau, ‘Ati kulaan?’ Taam Aku, ‘Ralalom ru baal mangani' ra sampiopor am papataakan.’

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

1 SAMUIL 2:3

Langgai' noyo ragu muno ra malilimbau, pai' indagu ra ragu masumbung. Sabap ra Tuhan no i Aki Kapuuno' Ondo' Makapandai Kaga', mangakim Io ra ngaangai' baalon ru ulun.