MALIAKI 2:14 - Tanou Moonsoi Timugon

¹⁴ Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.

MALIAKI 2:14 ပူးပေါင်းရင်းမြစ်များ

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

JISAYA 54:6

Israil, okou koson ra sangulun andu' mamulok ondo' mangiluk guang sabap ra tinatang ru ralaki nano. Kaa' i Aki Kapuuno' mampiau rirun saguli' am mindagu,

MAMPATANOU 9:9

Sia' no ra kaayagan ti mabaya' ra andu' katagaman muno, sabuoi ra kaayagan muno ondo' kolondo' onong, ondo' tinaakan ri Aki Kapuuno' rirun ra tana' ti. Sia' no ra moonong orou kabalu' pana kolondo' onong sabap ginio ayuk maalap muno intor bagui ru kandoi muno.

KASAUKAN 31:50

Indagu poyo ri Laban, “Amon ru lumaat kou ra anak-anak kuno kapoam manangandu' kou poyo ra bokon, kabalu' pana ra kolondo' makapandai, karaa' noyo ra i Aki Kapuuno' no magalung rito.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

JIRIMIA 42:5

Ilo pana mindagu boo raki', “Polosoon noyo Tuhan masauk ra sasi' ondo' mabanis guang am motopot ramon amon ru kalo gumagaya' akai ra susuban ondo' tinaakan ru Tuhan, i Aki Kapuuno' takau rirun koson ramon.

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

AMSAL 2:17

Ruandu' no kalo gumagaya' ra ralaki nano, am nampalilian ra bantu' nano ri Aki Kapuuno'.

MIKA 1:2

Rongog kano, akau ngaangai' bansa'; ilai' noyo, akau ngaangai' mamagun ru tana' ti! Tuhan Raja' masauk ra sasi' koson manguu' ramuyun ngai'. Rongog kano! Mindagu Io intor ra intok Nano ondo' matulai giu' ra suruga'.

YEHEZKIEL 16:8

“Paat ra Aku nansail poyo, nakaliman Aku ra paat muno koson makakubayau nasaboi noyo. Sinilian Ku inan muno ondo' nagibabaang no ra sukub Kuno. Nambantu' Aku motogom rirun am nambaal Aku ra nabantuan paguatan rirun maa' raginio okou masauk ra Aku tatangan.” Koon raginio noyo ragu ru Tuhan Raja'.

AMSAL 30:20

Gitio noyo binaal ru sangulun andu' ondo' kalo gumagaya': Lumapau io, am mariu'. Kopongo raginio mindagu io, “Kolondo' atan-atan binaal kuno ondo' makasala!”

RIMBAI PANGAMPARAN 1:15

Mapara' piboo kinantalur muno, alii ra kalumpusan kuno, mantalur kou kaga'! Mato muno koson ra mato ru susuit asang.

1 SAMUIL 12:5

Ginio ra indagu i Samuil, “Polosoon noyo Tuhan am raja' ondo' pinili' Nano masauk ra sasi' ra orou raiti' ra koon min ra kolondo' ra sanganu pana sala kuno.” Taam ilo, “Iou motopot. Tuhan no nasauk ra sasi' takau.”

KASAUKAN 2:18

Indagu boo Tuhan i Aki Kapuuno', “Kalo niayuk moonsoi ulun maayag misangulun. Mambaal Aku sangulun rangan ondo' maaya' toojo koson mangindangan riso.”

JISAYA 58:3

Mangkuot bansa' raginio, “Atan pakuan mampali amon ru Tuhan kalo magilong? Atan pakuan itakau minggana' guang amon ru Io kalo mampalio?” Mindagu Tuhan, “Sotopot no, liliwa' akau mampali, maguyum kau ra kaatangan galama' am mangimbolo' ra ulun-ulun mangandoi mino.

TINGGANAI RU BANSA' 11:10

Taam ilo, “Mangiou akai. Tuhan sasi' mai.”

MALIAKI 3:8

Raino kuatin Takamin, ‘Maruung kia ru ulun i Aki Kapuuno'?’ Maaru' kalo. Kaa' namparuung kau niayuk Raki'. Nangkuot kau, ‘Ati kulaan?’ Taam Aku, ‘Ralalom ru baal mangani' ra sampiopor am papataakan.’

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

AMSAL 5:20

Atan pakuan muno lumaai ra ruandu' bokon, alii ra anak kuno? Atan pakuan lumampit ra ruandu' ra lumapau?

JIRIMIA 29:23

Koon raginio noyo pupus nilo sabap ra nambaal ilo ra tula mangaayo giu' ra Israil: nansasawa' ilo, am namakai ra inggalan ru Tuhan koson nagabau. Binaal raginio nansala' ra kasagaan ru Tuhan. Nakapandai Io ra atan ondo' binaal nilo, am Io galama' nasauk ra sasi' ondo' manggal risilo. Tuhan nakaindagu noyo.”