MALIAKI 2:11 - Tanou Moonsoi Timugon

¹¹ Mamagun ru Jiuda minanggal ra bantu' nilo ri Aki Kapuuno' am niayuk nambaal ra baal-baal ondo' makalalaa' giu' ra Jirusalim am giu' ra titikop pagun. Jinamalan nilo noyo Baloi ru Tuhan ondo' tagamin ru Tuhan. Ungkuyon nagandu' noyo ra ruandu' ondo' siminamba ra dewa-dewa ru bansa' ra bokon.

MALIAKI 2:11 ပူးပေါင်းရင်းမြစ်များ

IJRA 10:2

I Sikania anak ri Jiwil, sangulun intor ra bansa' ri Ilam pana mindagu boo ri Ijra, “Makatula akai noyo ra Tuhan sabap ra nanangandu' ra ruandu' ru bansa' ra bokon. Kabalu' pana koon raginio, lakat poyo mokoondo' ra kalansanan ra Israil.

IJRA 9:12

Nabi-nabi no nambala' ramon ra kalo iowon akai matagandu' ra mamagun toojo kapoam mangindangan risilo masauk ra langkaya' am makakaansayan. Amon ru gumagaya' akai, masauk akai ra maikang am makasia' ra ampos ru tana' no am niayuk makatungkus ginio ra papag mai ra sabubuoi no.

MAZMUR 106:28

Giu' boo ra Pior, ulun ri Aki Kapuuno' maya' sumamba ra Baal, am mangakan ra taak simbalui ondo' pataakon ra dewa-dewa ondo' kolondo' painawo.

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

JIRIMIA 3:10

Kabaal ngaangai' no, i Jiuda ondo' kalo gumagaya' no babaalon ayuk siminaguli' Raki', sabap ra guang nano kalo mabanis. Aku, Tuhan nakaindagu noyo.”

JIRIMIA 7:10

Mopongo kau mambaal ra ngaangai' no, matong kau ra saang Kuno giu' ra Baloi Kuno galama', am mindagu, ‘Moonsoi akai ayuk!’ Akau pana rumayus mambaal ra malaat no.

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 22:11

Mokoondo' ulun ondo' mansawa'; ondo' bokon no poyo marulug ra anak mangiwan ruandu' kapoam pabukat ruandu' nilo ondo' rondo' ama' mansuai ra ina'.

GOSIA 6:7

Kaa' pakaayan kau ayuk ra tana' giu' ra Adam, liminungkang kau ra nabantuan Kuli ramuyun.

IMAMAT 20:26

Musiti' kau matulai am masauk ra longgom Kuno ayuk, sabap ra Aku noyo Tuhan am matulai Aku. Napatuliar Aku noyo ramuyun intor ra bansa'-bansa' ra bokon, maa' raginio masauk kau ra longgom Kuno ayuk.

MALIAKI 1:1

Gitio noyo tanou ru Tuhan ri Maliaki koson posoboyon ra ulun ru Israil.

SAGULION 14:2

Akau longgom ru Tuhan i Aki Kapuuno' min; nampili' Io noyo ramuyun sinauk ra ulun Nano galama', intor ra ngaangai' bansa' ondo' minayan ra tana' ti.”

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

TINGGANAI RU BANSA' 3:6

Naguot ulun ru Israil ra bansa'-bansa' raginio am maya' niayuk samba ra dewa-dewa nilo.