MALIAKI 1:6 - Tanou Moonsoi Timugon

⁶ Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MALIAKI 1:6 ပူးပေါင်းရင်းမြစ်များ

MAZMUR 123:2

Koson ra sangulun ulipon sumingkayut ra tuan nano, am sangulun ulipon ruandu' ra puan nano, koon niayuk ramon lumansan Rirun, iou Tuhan, i Aki Kapuuno' mai, saboi Okou makaasi' ramon.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

AMSAL 17:6

Ulun matutuo maansukan ra akupu koson ra anak maansukan ra matuo.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 43:23

Kalo magibit kau ra domba koson taak simbalui koson mapabansuk ra guang Kuno; kalo mangurumat kau Raki' ra taak simbalui ondo' pataakon min. Sotopot no kalo simbagatin Takamin ra kitaakin ra taak kapoam mantipagon ramuyun makitaak ra kaminyan.

JISAYA 45:10

Aibui boo ra ulun mangkuot ra matuo nano, “Kua kia anako' aku koson ragitio?”

JISAYA 64:7

Kolondo' osoi pana makiasi' Rirun. Kolondo' osoi pana minggaar Rirun koson makiindangan. Nansibuni Kou intor ramon, am mopoloso ramon mapuso sabap ra tula mai.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 23:11

Indagu Tuhan, “Nabi am imam marara' gumagaya' Raki'. Napandayan Ku nambaal ilo ra malaat am niayuk poyo giu' ra Baloi Kuno.

JIRIMIA 3:4

Kaa' raino mindagu kou Raki', ‘Okou noyo ama' kuno. Motogom Kou raki' intor ra aku boborok.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 35:16

Ginagaya' ru papag ri Jonadab susuban ru kinamatuaan nilo, kaa' kalo ginagaya' min Aku.

YEHEZKIEL 22:26

Minanggal imam-imam ra ukum Kuno am kalo mangurumat ra atan ondo' mapasau ra tayar Kuno. Kalo pansalaan nilo atan ondo' mapasau am atan ondo' kalo mapasau. Kalo nangila' ilo ra nansala' ondo' iowon am ondo' inggalarin. Kalo lioon nilo orou Sabat. Kinibit ru ginio ulun ru Israil kalo mangurumat Raki'.

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

MALIAKI 2:1

Mindagu Tuhan Ondo' Maayo Kaga' Kuasa' ra imam-imam, “Gitio noyo susuban Kuno ramuyun:

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?

MALIAKI 2:8

Kaa' raino, akau imam-imam, siminiang intor ra ralan ondo' motopot. Pangilaan min nangkinibit noyo ra masuang ulun nambaal ra kasalaan. Inanggal min nabantuan ondo' binaal Kuno ramuyun.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 15:4

Sabap ra mokoondo' bala' ri Aki Kapuuno', ‘Urumato' noyo ama' am ina' muno, osoi ayuk mampaluta' ra ama' am ina' nano, maaru' ulun no potoyon.’

MATIUS 15:6

kalo boo pana mangurumat ulun no ra ama' nano. Koson raginio noyo inimpayan min ragu ri Aki Kapuuno' am gumagaya' ra pangilaan min galama'.

MATIUS 19:19

Urumato' matuo muno; tagami' noyo ngaangai' ulun koson ra kaayagan muno galama'.”

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

MATIUS 7:21

“Sala' ka ngaangai' ulun ondo' mindagu ra Aku Tuhan nilo masauk ra ulun ri Aki Kapuuno', kaa' ilo ayuk ondo' sumugut ra kasagaan ru Ama' Kuno giu' ra suruga'.

MARKUS 10:19

Okou maaru' makapandai ra susuban ri Aki Kapuuno': ‘Pai' pampatoi, pai' lapau, pai' pantakou, pai' panguu' ra ulun bokon amon ru kalo motopot, pai' pamparuung, urumato' noyo ina' am ama' muno.’ ”

MARKUS 7:10

Sabap ra nakaindagu i Musa ra galing i, ‘Urumato' noyo ama' am ina' mino! Osoi ayuk mampaluta' ra ama' kapoam ina' nano, maaru' ukumin ra potoyon!’

LUKAS 10:29

Kaa' mangingila' ra Ukum ri Musa no masaga' mampakito ra io motopot. Pangkuot io, “Osoi ulun ra bokon ondo' tagamin kuno?”

LUKAS 18:20

Nakapandai kou ra Ukum ri Musa, ‘Pai' pansawa'; pai' pamatoi; pai' pantakou; pai' pagabau; am urumato' matuo muno.’ ”

LUKAS 6:36

Kataau kano koson i Ama' min pana mataau!”

LUKAS 6:46

“Kua piawo' min Aku ra, ‘Tuhan, Tuhan,’ kaa' kalo gagayaan min panusuban Kuno ramuyun?

IPISUS 6:2

“Urumato' noyo karuo matuo muno”. Gitio susuban kasaa' intor ri Aki Kapuuno' ondo' mabaya' ra bantu', ioginio:

SAGULION 1:31

am giu' ra tana' kaagisan. Nakakito kau noyo Riso naningganai ramuyun ra matanda' buoi ra pangkiralanan mongoi ra intok ragitio, koson ra sangulun ama' nagiba' ra anak nano.’

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.