MALIAKI 1:4 - Tanou Moonsoi Timugon

⁴ Amon ru papag ri Isau, iono ulun ru Idom mindagu, “Bandar maino pinuso noyo kaa' baalon mai sagulio',” am Tuhan Ondo' Maayo Kaga' Kuasa' pana tumaam, “Polosoon ilo mambaal raginio saguli', kaa' lunsayon Ku poyo. Ulun manabit risilo ‘Pagun malaat’ am ‘Bansa' ondo' sinangitan ru Tuhan ra sabubuoi no.’ ”

MALIAKI 1:4 ပူးပေါင်းရင်းမြစ်များ

AYUP 12:14

Atan ondo' ginaba' ri Aki Kapuuno' kalo boo mabaal saguli'; ulun ondo' inaput ri Aki Kapuuno' kalo boo makalabus saguli'.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

MAZMUR 127:1

Rimbai ru ratangan ri Raja' Salomo. Amon ru sala' ka Tuhan no mambaal ra baloi, banangan ayuk kandoi ru ulun-ulun mangngandoi; amon ru sala' ka Tuhan no manindung ra bandar, banangan ayuk ru ulun-ulun mantatamung no mangandoi.

MAZMUR 137:7

Karaa' noyo, iou Tuhan, atan ondo' binaal ru ulun ru Idom, bulintok ra Jirusalim pusoon. Karaa' noyo ati kulaan ra ilo mindagu, “Gabaa' min Jirusalim saboi makuliagai toojo!”

MAZMUR 33:10

Inatangan ru bansa'-bansa' ampangin ru Tuhan; pinuso no atan ondo' gogoton nilono.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 11:14

Mababaya' ilo mongoi pamulunsar ra ulun ru Palistin tampilon ra kalasaan am mampagaau ra mamagun tampilon ra sirangon. Kalaan nilo mamagun ru Idom am Moab. Mamagun ru Amon tuminduku' risilo.

JISAYA 34:10

Orou rondom simbula' ru apui no kalo malasa' am lisun no mambuun ra sabuoi-buoi no. Pagun no pinoloso tinatang ra naliung-liung am mapua' saboi ra papag ka papag, am kolondo' sangulun pana mansail riso.

JISAYA 34:5

Giu' ra limbowon Tuhan nomongo noyo ra ilang, am ragino ilang no makalumpa' ra bansa' ru Idom, ulun ondo' inukuman am pusoon.

JIRIMIA 31:17

Mokoondo' ra kalansanan ra orou tauli muno; anak-anak muno muli' ra pagun galama'. Aku, Tuhan, nakaindagu noyo.

JIRIMIA 49:20

Ginio ra rongogo' noyo inatangan Kuno koson manggal ra mamagun ru Idom, am inatangan Kuno ra tayar ru mamagun Timan. Anak-anak nilo pana ralaaton mugar, am ngaangai' ulun mangalaa'.

JIRIMIA 49:7

Koon raginio noyo ragu ru Tuhan intor ra pagun ru Idom, “Kalio boo kia kinapintar ru mamagun ru Idom? Kalo kia boo makapambilin tingganai-tingganai risilo? Kalio noyo kia kapintaran nilai?

JIRIMIA 49:8

Mamagun kau ru bandar Didan, likar no am pagiru' no! Pansibuni no! Pusoon Ku papag ri Isau, sabap ra nasaboi paat no ra Aku mangukum risilo.

JIRIMIA 5:17

Mangai' ilo ra ampos ru tana' am akanon min; mampatoi ilo ra anak min, ungkuyon am niayuk ruandu'. Simbaluyon nilo sapi' am domba min; pusoon nilo puun ru anggur am puun ru ara min. Bandar-bandar ra makakubu ondo' lansanin min puuton ru saujor nilo.

SULABOI 3:37

Kasagaan ru Tuhan ayuk ondo' masalok masauk.

YEHEZKIEL 11:10

matoi kau ra potoyon ralalom ru pangayawan giu' ra pagun min galama'. Bagu no moonong ulun makapandai ra Aku noyo Tuhan.

YEHEZKIEL 25:13

Raino potonowon Ku ra ukumin Ku Idom. Potoyon Ku ngaangai' ulun am bibiag ondo' minayan ra giu' no. Pusoon Ku pagun no, intor ra bandar Timan saboi ra Bandar Didan. Mamagun nano matoi ralalom pangayawan.

YEHEZKIEL 25:14

Ulun Kuno Israil susubon Ku mansuli' ra Idom. Polosoon nilo Idom makaliman ra sangit Kuno ondo' moporos. Makapandai boo Idom ra ati kulaan malimanan masauk intok papaabusan ra sangit Kuno.” Tuhan Raja' nakaindagu noyo.

YEHEZKIEL 26:14

Tatangon Ku rondo' batu ayuk ra tayar ru ulun mangimpait manuug ra ralo. Bandar no kalo boo baalon. Aku Tuhan Raja' nakaindagu noyo.”

YEHEZKIEL 35:4

Bandar-bandar min saukon Ku ra malunsai-lunsai, am pagun min saukon ra tana' kaagisan. Bagu no makapandai kau ra Aku noyo Tuhan.

YEHEZKIEL 35:9

Saukon Ku pagun min ra kolondo' tutuu' am masiluk ra sabubuoi no. Kolondo' boo osoi pana mayan ra bandar-bandar min. Bagu no makapandai kau ra Aku noyo Tuhan.

AMOS 1:11

Indagu Tuhan, “Mamagun ru Idom ruruli' noyo makatula, ginio ra maaru' ukumin Ku ilo. Kolondo' guang makaasi', nangilou ilo noyo ra ulun ru Israil, pabukat nilo. Narayus-rayus ilo siminangit am nagulayun nansuli'.

AMOS 3:15

Pusoon Ku baloi bulintok masimu' am baloi bulintok malasu'. Baloi ondo' binungaan ra gading puuton; ngaangai' baloi maayo lunsayon.

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

AMOS 6:11

Paat ra Tuhan manusub, baloi maayo am baloi boborok pusoon.

AMOS 6:2

Kaa' raino ongoi kano ilong ra bandar Kalni. Ugar no ayuk mongoi giu' ra bandar Gamat ondo' maayo, am giu' ra bandar Gat giu' ra Palistin. Indoson min kia ra bandar-bandar no moonsoi poyo intor ra pamarintaan ru Jiuda am Israil? Maayo poyo kia wilayah nilo intor ra wilayah min?

OBAJA 1:1

Gitio noyo ragu inala' ri Obaja. Nampasaboi io ra ragu ru Tuhan Raja' intor ra ulun ru Idom. Nangator Tuhan ra ulun sinusub Nano mongoi ra bansa'-bansa', am norongog takau noyo tanou Nano, “Tampos kano! Ibok kano mangayou takau ra Idom!”

OBAJA 1:10

“Nantakou kau am namatoi ra pabukat min, papag ri Jakub. Ginio ra pusoon kau am asabin ru ulun ra kolondo' pupus.

MALIAKI 1:3

kaa' masisang Aku ri Isau am niayuk papag nano. Pinuso Ku noyo intok makabulur longgom ri Isau am nompoloso ra tana' nano ayanin ru bibiag masigo.”

MATIUS 12:30

Osoi ayuk sala' ka bala Kuno sotopot no manggal Raki', am osoi ayuk kalo sumambaya' Raki' manimung, sotopot no mampatuliar!