MALIAKI 1:14 - Tanou Moonsoi Timugon

¹⁴ Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

MALIAKI 1:14 ပူးပေါင်းရင်းမြစ်များ

KASAUKAN 27:12

Maaru' gumuut i ama' raki' am mapandayan no ra mamparuung aku riso, ginio boo mangkinibit aku ayuk ra pagulasan raki' am sala' ka mambarakat io.”

2 SAMUIL 24:24

Kaa' taam raja', “Kalo! Masaga' aku mambali raginio. Marara' aku mapataak ra Tuhan, i Aki Kapuuno' kuno ra ondo' maalap kuno ra kalo bayarin.” Nambali Raja' Daut ra intok pangagikan ra gandum am sapi'-sapi' no ra logo no limo ngoopor ngampila' ruit pirok.

MAZMUR 102:16

Ngaangai' ru bansa' no malaa' ra Tuhan; ngaangai' raja' ru tana' ti malaa' ra kuasa' Nano.

MAZMUR 47:2

Pagitapap kau, akau ngaangai' bansa'! Omporo' i Aki Kapuuno' ra rimbai ondo' mapuor am mapabansuk!

MAZMUR 47:3

Tuhan Ondo' Masawat Kaga' musiti' kalaanin; Raja' ondo' matulai ra titikop ru tana' ti.

MAZMUR 47:8

I Aki Kapuuno' noyo raja' ra titikop ru tana' ti; omporo' Iono ra rimbai!

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

MAZMUR 68:35

Apuo' noyo kuasa' ri Aki Kapuuno'; titikop ru Israil Io namarinta, makito kuasa' Nano giu' ra limbowon.

MAZMUR 76:12

Suguto' noyo atan ondo' binantu' muli' ra Tuhan, i Aki Kapuuno' muno; maaru' ngaangai' bansa' ondo' nakapaginggaar magibit ra taak, koson pataakon Riso ondo' kalaanin.

MAZMUR 95:3

Tuhan raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 48:10

Ulaso' noyo ulun ondo' kalo mambaal ra kandoi ru Tuhan ra sotopot ru guang! Ulaso' noyo ulun ondo' kalo mamutus ra ilang am mampatoi!

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

DANIL 9:4

Pakiasi' aku ra Tuhan, i Aki Kapuuno' kuno, am nangiou ra tula ru bansa' kuno ra saang Nano. Indagu aku, “Iou Tuhan, i Aki Kapuuno', Okou maayo, am mangurumat akai Rirun. Manugut Kou ra nabantuan Muno, am magail Kou motogom ra ulun ondo' motogom Rirun am ondo' gumagaya' ra susuban Muno.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MALIAKI 1:8

Paat ra akau mampataak ra bibiag ondo' bolou, ondo' marualan, kapoam ondo' kimpo' koson ra taak ra tayar Kuno, kalo kia baal raginio makasala? Kinami' pataako' bibiag koson raginio ra gabenor! Maansayan io kia ramuyun, am pamakuan ramuyun moonsoi kia?”

MALIAKI 2:1

Mindagu Tuhan Ondo' Maayo Kaga' Kuasa' ra imam-imam, “Gitio noyo susuban Kuno ramuyun:

MALIAKI 3:9

Akau ngaangai' matiu' ra ulas sabap ra ngaangai' bansa' namparuung Raki'.

MATIUS 24:51

Tuan no pana monotok boo ra ulipon ti am poongoyon no intok ra ulun mangalaat. Giu' no mantangi' io am manguritot ripon nano.”

MATIUS 5:35

kapoam tana' ti alapon min ra sasi', sabap ra tana' ti papakirawan ri Aki Kapuuno' ra kalayam Nano; kapoam bandar Jirusalim alapon min ra sasi', sabap ra ginio bandar ru raja' maayo toojo.

MARKUS 14:8

Ruandu' ti nambaal ra atan malulu' no kabaal. Nampabuur io ra umau no ra inan Kutu koson namintor ra pampalabangan Raki'.

LUKAS 12:46

am paat boo ra kalo kinara' am kalo napandayan ru ulipon no, pulusat ru tuan nali minuli'. Totokon io ru tuan nano am patiluon ra ukum ru ulun ondo' kalo gumagaya' ra panusuban ri Aki Kapuuno'.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

SAGULION 28:58

“Amon ru kalo totopot kau gumagaya' ra ngaangai' susuban ri Aki Kapuuno' ondo' natulisan ralalom ru kitab ti, am kalo mangurumat ra Tuhan i Aki Kapuuno' min ondo' maayo am makaimuag no,

1 TIMOTIUS 6:15

Ratangan Nano aruon ri Aki Kapuuno' galama', ondo' rorondo' ayuk Mangunguasa' ru ngaangai', Matulai Io, Raja' ru ngaangai' raja' am Tuhan ru ngaangai' tuan.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”