MALIAKI 1:11 - Tanou Moonsoi Timugon

¹¹ Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MALIAKI 1:11 ပူးပေါင်းရင်းမြစ်များ

1 TUNUNG RU BANSA' ISRAIL 16:25

Tuhan no matulai, am musiti' omporon toojo; musiti' Io urumaton masailan poyo intor ra ngaangai' dewa.

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 113:3

Intor ra sirangon suku' ra kalasaan, inggalan ru Tuhan musiti' omporon.

MAZMUR 138:5

Marimbai ilo koson mangansuk ra atan ondo' binaal Muno, am niayuk pasal ru katulayan Muno ondo' maayo.

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

MAZMUR 45:17

Okou raja' kuno, makaanak kou ra masuang buayoi, koson mamparayus ra pamarintaan ru kinamatuaan mu, am saukon mu ilo mamarinta ra titikop ru tana' ti.

MAZMUR 48:10

Iou Aki Kapuuno', ralalom ru Baloi Muno, guangon mai togom Muno.

MAZMUR 48:11

Inggalan Muno nakatanou am omporon ra titikop ru tana' ti, namarintaan Muno matimpok.

MAZMUR 50:1

Mazmur ri Asap. Tuhan, i Aki Kapuuno' Ondo' Maayo Kaga' Kuasa' no mindagu; nampiau Io ra titikop ru tana' ti intor ra sirangon suku' ra kalasaan.

MAZMUR 65:9

Ngaangai' namagun ra tana' ti malaa' am mangurumat, bulintok ra ilo makakito ra binaal muno ra makaimuag. Ginuang Muno magibit ra ulun magitapap ra longon ra titikop ru tana' intor ra pompor suku' ra pompor.

MAZMUR 67:2

Iou Aki Kapuuno', pakaasi' no am barakati' akai; pakaansuk no magilong ramon,

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

MAZMUR 96:8

Omporo' noyo inggalan ru Tuhan ondo' matulai; pagibit kano ra taak am subol kano ra intok Nano.

JISAYA 12:4

Masuku' niayuk bulintok ra akau marimbai, “Paringkuanang no ra Tuhan, am samba no Riso! Potonowo' noyo binaal Nano ra bansa'-bansa'. Pabalaa' noyo risilo katulayan Nano.

JISAYA 12:5

Rimbayi' min noyo Tuhan no sabap binaal Nano ra matulai. Musiti' no titikop ru tana' ti mangkirongog ra atan binaal Nano.

JISAYA 19:21

Mintalang Tuhan ra inan galama' ra ulun ru Misir, makaulig am sumamba ilo Riso, am magibit ilo ra taak simbalui am taak pataakon Riso. Magibot ilo Riso am suguton nilo ibot no.

JISAYA 30:27

Kuasa' am katulayan ru Tuhan makito intor ra maalur. Apui am lisun tatandu' ra kasangitan Nano. Bulintok ra Io mindagu, ragu no sumuru koson ra apui.

JISAYA 45:6

Gini noyo binaal Kuni maa' raginio intor ra sirangon saboi ra kalasaan ngaangai' ulun makapandai ra Aku noyo Tuhan; kolondo' bokon ondo' ayuk am Aku.

JISAYA 54:5

Namangun rirun no koson ra ralaki muno, i Aki Kapuuno' matulai ru Israil ioginio mamamayag rirun. Tuhan Ondo' Maayo Kaga' Kuasa', ginio noyo inggalan Nano, Io Aki Kapuuno' mangunguasa' ra titikop ru tana' ti.

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 66:18

Makapandai Aku ra karaan am binaal nilono. Matong Aku koson manimung ra ngaangai' bansa'. Paat ra ilo makatimung, makakito ilo ra kuasa' Kuno,

JIRIMIA 10:6

Iou Tuhan, Okou kolondo' pogondo'; maikang Kou toojo, inggalan Muno matulai am makakuasa'.

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

DANIL 2:45

Nakito muno batu no naratu' galama' intor ra tobo, am niayuk nakatiu' ra sinungkalalaing ondo' binaal intor ra basi', tambaga', tana' lia', pirok am mas no. I Aki Kapuuno' ondo' maayo tatanga' mambala' rirun ra baal ru orou matong. Ginio noyo inupi muno sotopot no, am arati' nano maalap kaintopot.”

AMOS 9:12

Ulun ru Israil manguasa' ra tayar ru pagun Idom ondo' kalo najajou, am ngaangai' ru pagun ondo' igondo' nasauk ra longgom Kuno.” Gini noyo ragu ru Tuhan ondo' manugut ra baal raginio.

MIKA 5:4

am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

JIPANYA 3:9

Kaa' malupus raginio kulawon Ku guang ru bansa'-bansa' no, saboi makiasi' ilo Raki' ayuk am sala' ka tuhan-tuhan ra bokon. Ngaangai' bansa' no gumagaya' Raki'.

JAKARIA 8:7

Mamayag Aku ra ulun Kuno intor ra pagun-pagun intok ilo pinatiran,

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

MALIAKI 3:3

Matong Io koson mangakim ra ulun, koson sangulun ondo' mamasau am manuyu' ra mas am pirok, koson niayuk ra ulun sinusub ru Tuhan mamasau toojo ra imam-imam maa' raginio mampataak ilo ra taak simbalui ondo' maaya' pataakon ra Tuhan.

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

MATIUS 8:11

Karaa' min gitio! Masuang ulun sala' ka bansa' ru Jaudi mabubunsag mababaya' ri Abragam, i Isak am i Jakub giu' ra Tana' Bagu ri Aki Kapuuno'.

LUKAS 1:10

Liliwa' monolob i pinaugar, ulun masuang makiasi' giu' ra liwar.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

2 TISALONIKA 1:12

Maa' boo raginio inggalan ru Tuhan takau, i Jisus, katulayon min am akau pana katulayon No, mabaya' ra kataawan ri Aki Kapuuno' takau am ru Tuhan Jisus Kristus.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.