MALIAKI 1:10 - Tanou Moonsoi Timugon

¹⁰ Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

MALIAKI 1:10 ပူးပေါင်းရင်းမြစ်များ

2 RAJA'-RAJA' 12:6

Kaa' saboi ra bilor karuo ngoopor am talu ru pamarintaan ru Raja' Joas, imam-imam no lakat poyo kalo namuna' ra nangalunsai giu' ra Baloi ru Tuhan.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 6:13

Ngaangai' ulun ondo' maayo am niayuk ondo' boborok, magingkaut am kalo mabanis guang. Atan poyo ra nabi am imam pana mamparuung ra ulun.

JIRIMIA 6:20

Atan kia boo onong ru kaminyan intor ra Syiba ondo' inibit nilo Raki', kapoam apa' pampagamis ra akanon intor ra pagun maalur? Marara' Aku mangapu ra taak nilo. Marara' Aku ra taak-taak simbalui nilo.

JIRIMIA 8:10

Ginio ra pataakin Ku umo nilono ra ulun bagu, am andu' nilo ra ulun bokon. Ngaangai' ulun ondo' maayo am niayuk boborok, maguyum ra kalabaan ra kalo mabanis guang. Niayuk poyo nabi am imam pana mamparuung ra ulun.

GOSIA 5:6

Maguyum ilo ra Tuhan am nagibit ra domba am sapi' koson ra taak simbalui, kaa' binaal raginio kolondo' onong. Kalo nakatuum ilo ra Tuhan, sabap ra nangiruan ilo risilo.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

MALIAKI 1:13

Kamin, ‘Nasuraan akai no ra ngaangai' ti’, am nagasab kau Raki'. Nagibit kau ra bibiag ondo' tinakou, ondo' kimpo', kapoam ondo' marualan koson pataakon raki'. Indoson min kia apuon Ku taak raginio?

MALIAKI 2:12

Gama' ru inggion ru Tuhan ulun ondo' nambaal raginio intor ra ulun ru Israil, am kalo mangiou risilo maya' ra bansa' takau koson mampataak ra taak simbalui ra Tuhan Ondo' Maayo Kaga' Kuasa'.

MALIAKI 2:13

Suai raginio mokoondo' poyo binaal min. Tinimugan min altar ru Tuhan ra lomou; nantangi' kou am nanulaboi sabap ra Tuhan kalo boo mangapu ra taak min.

JUANIS 10:12

Kaa' ulun gajiin, ondo' sala' ka magagalung kapoam tatangan ra domba no, pai' ru koson raginio. Paat ra makito no taani matong iruanin no ayuk sampanon ru domba no am magiru' io. Ginio ra saamon am pantutuliaron boo sampanon ru domba no ru taani no.

1 KORINTUS 9:13

Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.

PILIPI 2:21

Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.

IBRANI 10:38

Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.