LUKAS 8:42 - Tanou Moonsoi Timugon

⁴² Sabap ra anak ruandu' langkuir nano ondo' makaumur mopor am ruo ngambilor marualan am maar noyo matoi. Liliwa' i Jisus mangkiralan mongoi ra baloi ri Jairus ti, magigisok ulun masuang no minggaar Riso.

LUKAS 8:42 ပူးပေါင်းရင်းမြစ်များ

LUKAS 8:45

Pangkuot i Jisus, “Osoi kiminambong Raki' ni?” Kaa' inali' ru ngaangai' ulun. Taam boo i Pitrus, “Tuan, masuang kaga' ulun makaguut Rirun sabap ra magigisok ilo minggaar Rirun!”

LUKAS 7:12

Ilo maar nakasuku' ra subalan ru pekan no, mokoondo' ulun mingkual intor ra pekan namandas ra baangkai. Ondo' minatoi i am sangulun anak ungkuyon, anak langkuir ru sangulun napuor. Masuang ulun ru pekan i siminumbaya' ra napuor ti.

ROMA 5:12

Tula riminatong ra tana' ti mansail ra sangulun, am tula nano nagibit ra kapatayan. Am sonor no ngaangai' ulun matoi, sabap ra ngaangai' ulun makatula noyo.

MARKUS 5:24

Ugar boo i Jisus am ulun no. Ulun masuang ondo' minaya' saguguluyur liminimpu am nampajuul Riso.

YEHEZKIEL 24:25

Indagu Tuhan, “Okou ulun mapandai matoi, alapon Ku Baloi Kuno ondo' mapiot no intor risilo, Baloi ondo' linimbawan am kasagain nilo, am ondo' ilain am angayin nilo ra guang maansukan. Aku pana mangalap niayuk ra anak-anak nilo.

YEHEZKIEL 24:16

“Okou ulun mapandai matoi, pulali' Ku mangalap ra ulun ondo' tagamin muno kaga', kaa' kalo makapanulaboi kou, kapoam mantangi', kapoam mompoloso ra lomou muno rumatu'.

MAMPATANOU 6:12

Atan koson ulun makapandai ra atan ondo' moonsoi kaga' tayar ru kaayagan nilo ondo' mariwa' am kolondo' onong ti – kaayagan ondo' mataki' lumiot koson ra babara'? Atan koson ulun makapandai ra atan ondo' masauk ra tana' ti malupus ra ilo matoi?

AYUP 4:20

Ulun no maayag paat ra susuab ti, am matoi ra kalo malimanan ru ulun ra kalo poyo mapupusan orou.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

LUKAS 8:41

Ratong boo sangulun tingganai ru baloi sambayangan makainggalan ri Jairus. Igulatur io ra saang ri Jisus am makiasi' koson mompoongoi ra baloi nano.

LUKAS 8:43

Mokoondo' intor risilo i sangulun ruandu' ondo' mopor am ruo ngambilor noyo buoi no makamaruol ra liniuran. Kinai' no ngaangai' longgom nano koson makibabas ra duktur, kaa' maruol nano kalo naalap kababas.