LUKAS 7:41 - Tanou Moonsoi Timugon

⁴¹ Indagu i Jisus, “Mokoondo' ruo ngaulun nagutang intor ra ulun mampaira' ra ruit. Sangulun i nagutang suang limo ngaatus ruit pirok, am bokon i nagutang suang limo ngoopor ruit pirok.

LUKAS 7:41 ပူးပေါင်းရင်းမြစ်များ

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JIRIMIA 3:11

Nambala' boo Tuhan raki' ra kabalu' pana nangiruan i Israil Riso, moonsoi poyo i Israil intor ri Jiuda ondo' kalo gumagaya' no.

UNTABAN 27:3

“Minatoi ama' maili giu' ra tana' kaagisan ra kolondo' anak ungkuyon. Io sala' ka maamaya' ri Kora ondo' giminuor ra Tuhan. Ama' maili minatoi sabap ra tula nali galama'.

MATIUS 18:28

“Paat ra ulipon ti nakaingkual, pakauma' io ra rangan nano ondo' ulipon niayuk, ondo' ira' nano riso kukula' ngaatus ayuk. Rokopo' no rangan nati am sikako', am indagu, ‘Bayari' ngaangai' ira' muli raki'!’

MATIUS 6:12

Ampuno' noyo tula mai, koson akai niayuk mangampun ra ulun ondo' makatula ramon.

MARKUS 6:37

Kaa' taam Io, “Akau maaru' mapaakan risilo!” Indagu ilo Riso, “Kua, kalo nakapandai Kou kula' kinasuang ru ruit pirok pambabali ra akanon nilo ti?”

LUKAS 11:4

Ampuno' noyo tula mai sabap ra akai pana mangampun ra moonong ulun ondo' makatula ramon. Am palabuso' akai no ra pangkinaman.’ ”

LUKAS 12:48

Kaa' ulipon ondo' kalo nakapandai ra kasagaan ru tuan nano, am makasala niayuk, loposon io ra kalo kula' ruol. Ulun ondo' inanian ra masuang no, masuang niayuk sikaan intor riso no. Amon ru masuang poyo pinalansan ra sangulun no, mulu' poyo suang ru kitaakon intor riso.”

LUKAS 13:4

Ati kulaan ra mopor am balu' ngaulun ondo' minatoi giu' ra Siloam ra naabaan ilo ru manara? Guang min pinatayan nilai tatandu' ra masuang tula nilo intor ra ngaangai' ulun ra bokon ondo' soroi giu' ra Jirusalim kia?

LUKAS 7:40

Indagu i Jisus ri Simon, “Simon, mokoondo' poyo pabalaan Kutu rirun.” Taam i Simon, “Iou mangingila', raguo' ayuk.”

LUKAS 7:47

Togom no topot-topot maayo sabap ra inampun io noyo kabalu' pana masuang tula nano! Amon ru sanganu ayuk tula ru ulun no ampunon, togom nano pana kalo maayo.”

ROMA 3:23

Ngaangai' ulun makatula noyo am maalur intor ri Aki Kapuuno' ondo' mamayag risilo.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.