LUKAS 7:28 - Tanou Moonsoi Timugon

²⁸ Indagu poyo i Jisus, “Karaa' min! Giti ra tana' ti, kolondo' sangulun pana maatang intor ri Juanis Mampariu'. Kaa' ulun ondo' kalo maatang ra ulun ri Aki Kapuuno', maatang poyo intor ri Juanis Mampariu'.”

LUKAS 7:28 ပူးပေါင်းရင်းမြစ်များ

MATIUS 11:11

Karaa' min! I Juanis Mampariu' no maatang toojo intor ra ngaangai' ulun giti ra tana' ti. Kaa' ulun ondo' kalo maatang ra gino ngai' ru ulun ri Aki Kapuuno', maatang poyo intor ri Juanis.

MATIUS 3:1

Paat ragili i Juanis Mampariu' timinalimpuun mampatanou giu' ra tana' kaagisan ra Judia, kono,

LUKAS 3:16

Kaa' indagu i Juanis risilo, “Aku ti mampariu' ramuyun ra timug ayuk, kaa' ra maagu no matong sangulun ondo' maayo kuasa' Nano intor raki'. Mamagus ra kasut Nano pana kalo maaya' aku. Mampariu' Io ramuyun ra Ambiluo ri Aki Kapuuno' am apui.

LUKAS 7:27

Sabap ra i Juanis ti noyo ondo' kon ru Buuk Kitab, ‘Gitio noyo ulun sinusub Kutu,’ kon ri Aki Kapuuno', ‘Susubon Ku io sumigulu Rirun, koson momongo ra ralan Muno!’ ”

LUKAS 7:29

Ngaangai' ulun am mampalulur ra cukai pana nangkirongog ri Juanis. Ilo noyo ondo' giminagaya' ra susuban ri Aki Kapuuno' ondo' motopot am nakiriu' ilo ri Juanis.

LUKAS 9:48

Indagu Io boo ra maamaya' Nano, “Ulun ondo' mangapu ra lalaing ti sabap ra Aku, arati' no mangapu io niayuk Raki'. Ulun ondo' mangapu Raki', mangapu niayuk Riso ondo' nanusub Raki' i. Sabap ra io ondo' kalo maatang ra pamaguangan min ngai', sotopot no io no ondo' maatang kaga'.”