LUKAS 6:38 - Tanou Moonsoi Timugon

³⁸ Pangani' kano, koson i Aki Kapuuno' pana mataau mangani' ra tayar moonsoi ramuyun. Tayar ondo' insokon no toojo am ruangin no saboi mototop. Panunuku' ondo' alapon min mangakim ra ulun ra bokon, panunuku' raginio niayuk alapon ri Aki Kapuuno' mangakim ramuyun.”

LUKAS 6:38 ပူးပေါင်းရင်းမြစ်များ

SAGULION 15:10

Anii' io ra atan ayuk ra kalo kibayarin am ra taau ru guang, am mambarakat Tuhan ramuyun ralalom ngaangai' ru baalon min.

MARKUS 4:24

Indagu poyo i Jisus, “Talinaasi' min noyo ondo' norongog min ti! Atan ayuk pangukum min ra ulun, ginio niayuk pambabalos ri Aki Kapuuno' ramuyun – am janjain No poyo.

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

AMSAL 22:9

Ulun mataau am mantayar ra akanon no ra ulun musikin, barakaton io ru Tuhan.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

MATIUS 10:42

Balain takamin: Osoi ayuk mampainum ra santiib timug ayuk pana ra sangulun ondo' kalo umparaan ru ulun sabap ra maamaya' Ku io, totopot niayuk makaalap ulun no ra ampos nano.”

LUKAS 6:30

Amon ru mokoondo' makitaak ramuyun ra atan ayuk pana, anii' ayuk. Amon ru alapon ru ulun kuliamos muno, pai' kitaako' saguli'.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

AYUP 42:11

Ngaangai' pabukat ra ungkuyon am ruandu' ri Ayup, am niayuk ngaangai' rangan nakaulig riso ondo' nakalair minatong pagilong riso am nagagakan nababaya' ri Ayup giu' ra baloi nano. Ilo niayuk minaya' nangiluk guang ri Ayup sabap ra ngaangai' kapaganan ondo' pinaratong ru Tuhan riso, am nanimayo ilo riso. Moonong ulun intor risilo nangani' riso ra sampila' ruit pirok am rondo' sinsing mas.

MAZMUR 79:12

Iou Tuhan, balasi' noyo bansa'-bansa' raginio intulu' ruli', sabap ra nagasaban nilo Rirun.

ESTER 9:25

Kaa' minuma' i Ester ra raja', am nangingkual raja' ra susuban tinulisan, saboi inantungan i Gaman ra kinibit ru inatang malaat nano ra ulun ru Jaudi. Io am anak-anak ungkuyon nano tinair ra lugu' pampatairan.

TINGGANAI RU BANSA' 1:7

Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

KAINGKUALAN 21:24

mato aligin ra mato, ripon aligin ra ripon, kalindu' aligin ra kalindu', kalayam aligin ra kalayam,

2 SAMUIL 19:36

Kalo maaya' aku mangapu ra bayaran ra kinaayo ru ginio. Polosoon noyo aku mangator rirun kukula' ngatumpang ayuk giu' sandaup ru Sungoi Jordan.