LUKAS 6:27 - Tanou Moonsoi Timugon

²⁷ “Kaa' akau ngaangai' ondo' mangkirongog Raki' raino ti, gitio bilin Kutu: Tagami' noyo pantula' mino, am koonsoi kano ra ulun masisang ramuyun.

LUKAS 6:27 ပူးပေါင်းရင်းမြစ်များ

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

AMSAL 24:17

Pai' pakaansuk bulintok ra pantula' muno matiu' ra karaat, am pai' pakakurit amon maratu' io.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

MARKUS 4:24

Indagu poyo i Jisus, “Talinaasi' min noyo ondo' norongog min ti! Atan ayuk pangukum min ra ulun, ginio niayuk pambabalos ri Aki Kapuuno' ramuyun – am janjain No poyo.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 7:60

Igulatur io am pompogolok poyo ra mosongou, “Tuhan, pai' polosoo' tula ti sumaboi risilo!” Paat ragili niayuk i Stipanus minatoi.

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

LUKAS 8:18

“Ginio ra talinaasi' min noyo atan ondo' norongog mino. Sabap ra osoi mokoondo' noyo, ruangin poyo. Kaa' osoi kolondo' atan-atan, sanganu ayuk pana ondo' indos no soroi riso, alapon poyo.”

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

LUKAS 8:8

Kaa' sampug ondo' naratu' ra tana' malabung, timinuu' am nanangkawa' ra maatus poyo ruli'.” Pupusi' boo ri Jisus ra bolos mosongou, “Rongogo' am karaa' min toojo!”

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.

AMSAL 25:2

Mongompor takau ri Aki Kapuuno' sabap ra ondo' inopot Nano, mangurumat takau ra raja' sabap ra atan ondo' pinabala' nano.

MAZMUR 7:4

Iou Tuhan, i Aki Kapuuno' kuno, amon ru igondo' aku mambaal ra malaat, amon ru simbaalin ku rangan kuno, kapoam potoyon ku pantula' ra kolondo' sasaban,

1 RAJA'-RAJA' 13:6

Indagu Raja' Jirobiam ra nabi no, “Pakiasi' noyo ra Tuhan, i Aki Kapuuno' muno ra bala kuno, am kitaako' noyo maa' raginio mamabas Io ra longon kutu!” Pakiasi' nabi no ra Tuhan, am longon ru raja' no binabas.

RINALATAN 16:28

Kaa' golok boo i Paulus ra mosongou, kono, “Pai' pantuwo! Akai ngaangai' lakat ayuk poyo ragiti!”