LUKAS 4:42 - Tanou Moonsoi Timugon

⁴² Suabon i, riminondom i Jisus nangiruan ra pekan Kapirnaum ongoi ra rondo' intok masiluk. Kaa' inuyum Io ru ulun masuang am katuum nilo Io, ingai' nilo i Jisus koson kalo mangiruan risilo.

LUKAS 4:42 ပူးပေါင်းရင်းမြစ်များ

MARKUS 1:45

Kaa' ulun no minugar am mantutunung ra ati-ati ayuk ra io ti binabas noyo. Saboi i Jisus kalo boo makaumpos mintalang ra ati ayuk pekan. Nongkoror Io ayuk ra intok masiluk am ulun intor ra ati-ati minatong Riso.

LUKAS 24:29

Kaa' ingai' nilo Io, konilo, “Pombolong ayuk ragiti sabap ra mamai' noyo nai am lumondom galing noyo.” Ginio ra apit i Jisus am umpos ra intok nilai.

LUKAS 6:12

Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 4:40

Pakatuum ayuk ulun-ulun ru Samaria ri Jisus, kimaiti' nilo Io mayan risilo. I Jisus pana naruaan boo ra giu' i.

JUANIS 6:24

Kaa' paat ra ulun masuang no nakakito ra kalio i Jisus kapoam maamaya' Nano ra giu' i, sakoi ilo ra parau-parau no am ongoi ra pekan Kapirnaum maguyum ri Jisus.